کولکاتا:38 سالہ دائیں ہاتھ کے سلامی بلے باز نے اس سال ریٹائرمنٹ کا اعلان کیا تھا لیکن اب وہ آندھرا پردیش کے خلاف بنگال کی قیادت کریں گے۔ پہلا میچ 5 جنوری کو وشاکھاپٹنم کے راج شیکھرا ریڈی اے سی اے وی ڈی سی اے کرکٹ اسٹیڈیم میں بنگال اور آندھرا کے درمیان کھیلا جائے گا، جس کے بعد بنگال کی ٹیم 12 جنوری سے کانپور کے گرین پارک اسٹیڈیم میں اتر پردیش سے مقابلہ کرے گی۔
ہندوستان کے اسٹرائیک بولر محمد شامی کے بھائی محمد کیف کو پہلے دو میچوں کے لیے ٹیم میں شامل کیا گیا ہے۔ 2021 میں بنگال کے لئے لسٹ اے میں ڈیبیو کرنے والے کیف کے لیے وجے ہزارے ٹرافی اچھی رہی ہے، جہاں انہوں نے سات میچوں میں 12 وکٹیں حاصل کیں۔ مغربی بنگال کے وزیر کھیل اور کرکٹر منوج تیواری نے کپتانی کو لے کر خوشی کا اظہار کیا۔ ان کا کہنا ہے کہ بنگال کی جانب سے کھیلنا ہمیشہ پہلی ترجیح رہی ہے۔امید کرتے ہیں اس مرتبہ رنجی سیزن میں ہماری ٹیم اچھی کارکردگی کا مظاہرہ کرے گی