ریاست اترپردیش کے ضلع رامپور میں دو روزہ لاک ڈاؤن کے آج پہلے دن ڈرون کیمروں سے کنٹینمنٹ زون قرار دیے گئے علاقوں کا جائزہ لیا گیا۔
اس موقع پر آئی جی مرادآباد ڈویژن رمِت شرما نے رامپور پولیس افسران اور پولیس جوانوں کے ساتھ گشت کر کے لاک ڈاؤن پر عمل آوری اور لا اینڈ آرڈر کا جائزہ لیا۔
اس کے علاوہ انہوں نے ضلع کے مختلف علاقوں کا دورہ کرکے لاک ڈاؤن کی صورتحال کا جائزہ لیا۔
آئی جی رمت شرما نے کہا 'ڈرون کیمروں کی ویڈیو کے ذریعہ دیکھا گیا ہے کہ لوگ کورونا وائرس سے بچنے کے لئے ہدایات پر عمل پیرا ہیں یا نہیں۔ کہیں ایسا تو نہیں ہے کہ لوگ لاپرواہی برتتے ہوئے لاک ڈاؤن کی خلاف ورزی کر رہے ہیں'۔
انہوں نے کہا 'ہفتے کے روز لاک ڈاؤن میں کہیں کوئی بڑی شکایت نظر نہیں آئی۔ تاحال ہم نے دو لوگوں کے خلاف لاک ڈاؤن کی خلاف ورزی کرنے کے پاداش میں کارروائی کی ہے'۔
