رامبن: پولیس نے برف میں پھنسے افراد کو بچایا

جموں وکشمیر میں برف باری کے دوران کئی گاڑیاں پھنس جاتی ہیں۔ کئی بار اس میں پھنسے لوگ ہلاک بھی ہو جاتے ہیں۔ ایسے ہی ایک درماندہ گاڑی کو رامبن پولیس نے برف سے نکالا جس میں دو مسافر تھے۔

جموں وکشمیر کے پہاڑی ضلح رامبن کی سب ڈویژن گول کے علاقہ میں درماندہ دو افراد کو مقامی پولیس نے آرمی کی مدت سے بچا کر انسانیت کا ثبوت پیش کیا ہے۔

پولیس زرائع کے مطابق رات بھر برفباری کی وجہ سے ایک ٹاٹا موبائل آلو فارم گول میں درماندہ ہو گئی تھی۔ آج صبح سب ڈویژن پولیس افسر گول کو درماندہ افراد نے فون پر اطلاع دی۔ انہوں نے بچاؤ مہم شروع کی۔ برفباری میں پیدل پہنچے اور بچاؤ مہم کے تحت دو افراد شہنواز ولد محمد رفیق اور محمد شریف ولد عبدل لطیف کو گرم پانی کھانا دیا۔

مقامی آرمی یونٹ کی مدت سے برف میں پھنسی گاڑی سمت درماندہ ڈرائیور اور ہلپر کی جان بچائی۔ دونوں درماندہ مسافروں نے پولیس اور آرمی کا شکریہ ادا کیا۔