جموں و کشمیر کے ضلع پونچھ کے تحصیل منڈی میں واقع سرحدی علاقہ ساوجیاں کے گورنمنٹ ماڈل ہائر سیکنڈری اسکول ساوجیاں میں محکمہ صحت کی جانب سے منعقد طبی کیمپ میں اسکول کے عملہ اور بچوں کا کووڈ ٹیسٹ کیا گیا۔ جانچ رپورٹ میں سامنے آیا کہ یہاں کے 16 بچے اور اسٹاف کے دو افراد کووڈ متاثر ہیں۔
اس رپورٹ کے سامنے آنے کے بعد ہائر سیکنڈری اسکول ساوجیاں کے پرنسپل انور خان نے جانکاری دیتے ہوئے کہا کہ ہماری درخواست پر محکمہ صحت کی ٹیم نے یہاں ایک طبی کیمپ منعقد کیا اور یہاں کیے گئے ٹیسٹ کے دوران معلوم ہوا کہ اسکول کے 16 بچے اور دو اسٹاف کورونا وائرس سے متاثر ہیں۔ احتیاطی قدم اٹھاتے ہوئے سب کو قرنطینہ میں رکھا گیا ہے۔