وادی سرینگر کے رام باغ علاقہ میں ہوئے انکاﺅنٹر پر پی ڈی پی سرپرست محبوبہ مفتی کی جانب سے شکوک و شبہات اظہار کرنے کے بعد ڈائر یکٹر جنرل آف پولیس جموں وکشمیر نے کہا ہے کہ کچھ لوگ قاتلوں کو بے گناہ سمجھنے لگے ہیں۔ بدھ کے روز جموں و کشمیر پولیس اور دیگر سکیورٹی دستوں کی کارروائی میں تین عسکریت پسند ہلاک ہوئے تھے جن میں سے ایک کی شناخت مہران یاسین شالہ کے طورپر ہوئی ہے جبکہ اس کا تعلق مذاحمتی فورسز ٹی آر ایف سے تھا۔
اس سے قبل جموں وکشمیر کی سابقہ وزیر اعلیٰ محبوبہ مفتی نے الزام عائد کرتے ہوئے کہا تھا کہ حکومت کی جانب سے دیا گیا بیان سچائی سے دور ہے اور زمینی حقائق کے مطابق نہیں ہے۔
کچھ لوگ قاتلوں کو بے گناہ سمجھنے لگے ہیں:ڈی جی پی
حیدر پورہ متنازعہ انکاﺅنٹر کا حوالے دیتے ہوئے محبوبہ مفتی نے کہا تھا کہ رام باغ انکاؤنٹر کی صداقت پر بھی 'جائز شکوک و شبہات' جنم لے رہے ہیں۔