موسلا دھار بارش سے دہلی پانی پانی

دارالحکومت دہلی میں آج صبح سے موسلا دھار بارش جاری ہے، جس کی وجہ سے متعدد شاہراہوں پر پانی جمع ہوگیاہے اور کچھ مقامات پر گاڑیوں کے پانی میں پھنسے دیکھے گئے ہیں۔

کورونا وائرس سے جوجھ رہی دہلی میں اب بارش نے قہر برپا کردیا ہے اور موسلادھار بارش سے جگہ جگہ پانی بھر جانے سے لوگوں کو آمد و رفت کرنے میں سخت دشواریوں کا سامنا کرنا پڑ رہا ہے۔

حالانکہ آج اتوار ہونے کی وجہ سے دفاتر میں چھٹیاں ہیں اس لیے سڑکیں سنسان ہیں۔

بشکریہ ٹویٹر

دارالحکومت دہلی کے منٹو روڈ علاقے سے سامنے آئی تصویر میں صاف طور پر دیکھا جاسکتا ہے کہ ڈی ٹی سی بس پانی میں ڈوبی ہوئی ہے جبکہ اس میں سوار مسافروں کو بس کی چھت سے باہر نکالا جا رہا ہے۔