نئی دہلی:بین الاقوامی بازار میں خام تیل کی قیمتوں میں مسلسل گراوٹ کے درمیان آج بھی ملک میں پٹرول اور ڈیزل کی قیمتیں برقرار رہیں۔ بین الاقوامی مارکیٹ میں آج لندن برینٹ کروڈ کی قیمت 79.04 ڈالر فی بیرل اور یو ایس کروڈ کی قیمت 2.12 فیصد گر کر 74.50 ڈالر فی بیرل پر آگئی۔ No change in petrol and diesel prices
گھریلو تیل مارکیٹنگ کمپنی بھارت پٹرولیم کے مطابق پٹرول اور ڈیزل کی قیمتیں آج مستحکم رہیں۔ دہلی میں پٹرول 96.72 روپے فی لیٹر اور ڈیزل 89.62 روپے فی لیٹر پر مستحکم ہے۔ ملک میں 5 ماہ سے زائد عرصے سے ایندھن کی قیمتوں میں کوئی تبدیلی نہیں ہوئی۔ ممبئی میں پٹرول کی قیمت 106.31 روپے فی لیٹر اور ڈیزل کی قیمت 94.27 روپے فی لیٹر ہے۔