انگریزی شراب برآمد ، دو گرفتار

ریاست بہار کے ضلع کھگڑیا کے بیلدور تھانہ علاقہ کے ہنومان نگر گاﺅں کے نزدیک پولیس نے 50 کارٹن انگریزی شراب کے ساتھ دو لوگوں کو گرفتار کیا ہے۔

پولیس نے بتایا کہ ہنومان نگر گاﺅں کے نزدیک کل دیر رات گاڑی چیکنگ کے دوران ایک پک اپ وین کی تلاشی میں ہریانہ میں تیار 1800 انگریزی شراب کی بوتلیں برآمد کی گئیں۔
اطلاعات کے مطابق شراب کاروباری شبھم جھا اور ڈرائیور سالو یادو کو گرفتار کیا گیا ہے ۔
شبھم جھا ضلع کے پربتہ تھانہ کے ویسا گاﺅں کا باشندہ ہے اور وہ شراب کی سپلائی کیلئے سہرسہ جارہا تھا۔