Bangladesh Women Cricket: بنگلہ دیش خواتین کرکٹ ٹیم کی دو کھلاڑی کورونا سے متاثر

بنگلہ دیش کی خواتین کرکٹ ٹیم Bangladesh Women Cricket کی دوکھلاڑی کورونا سے متاثر ہوگئی ہیں ۔ بنگلہ دیش کرکٹ بورڈ (بی سی بی) نے پیر کے روز کہا کہ زمبابوے میں آئی سی سی خاتون ورلڈ کپ 2022 کوالیفائر میں شرکت کے بعد وطن واپسی پر خواتین کرکٹ ٹیم کا کورونا ٹیسٹ کیا گیا تھا ، جس میں دو ممبران متاثر پائی گئی ہیں۔

بی سی بی نے ایک بیان میں کہا، ’’ٹیم کی کھلاڑی ، جو ایک ہی کمرا شیئر کررہی تھیں ، ڈھاکہ میں یکم اور 3 دسمبر کو کیے گئے دو کورونا ٹیسٹوں میں رپورٹ نگیٹیو آئی تھی لیکن پیر کے روز ہونے والے تیسرے ٹیسٹ میں ان کی رپورٹ پازیٹیو آئی ہے۔ اس کے پیش نظر کوارنٹین کو بڑھا دیا گیا ہے۔ توسیع شدہ کوارنٹین کے دوران ٹیم ممبران کے کورونا ٹیسٹ کیے جائیں گے۔

خیال رہے کہ بنگلہ دیش کی حکومت کے ذریعہ افریقی ممالک سے آنےو الے مسافروں پر نئے ضابطے نافذ کرنے کے بعد خاتون کرکٹ ٹیم کے اراکین کو کوارنٹین سے گزرنا پڑا۔

یو این آئی