سال 2022 کے بڑے ٹورنامنٹ پر ایک نظر

سال 2022 کھیلوں کے اعتبار سے کافی اہمیت کا حامل رہا۔ رواں برس کے آخر میں جہاں ایک طرف عالمی پیمانے پر قطر میں منعقد تاریخی فیفا ورلڈ کپ زبان زد و خاص و عام رہا، وہیں دوسری جانب متعدد کھیلوں کے لیے بھی یہ سال غیر معمولی اہمیت کا حامل رہا۔ Sports Year Ender

حیدرآباد: (محمد شاداب عالم) سال 2022 کھیلوں کے لیے بہت خاص رہا۔ فٹ بال کی دنیا میں سب سے بڑا مقابلہ سمجھا جانے والا فیفا ورلڈ کپ خلیجی ملک قطر میں کھیلا گیا، یہ پہلا موقع ہے کہ فٹ بال کے عالمی مقابلوں کی میزبانی کسی مسلم اکثریتی ملک نے کی ہے۔ فیفا کے علاوہ اس سال کامن ویلتھ گیمز اور آئی سی سی سمیت دیگر کئی بڑے ٹورنامنٹ کا اہتمام کیا گیا۔ آئیے ایک نظر میں ان بڑے ٹورنامنٹ کے بارے میں جانتے ہیں۔ Sports Year Ender 2022

میسی کی قیادت میں ارجنٹائن بنا فیفا کا فاتح

میسی کی قیادت میں ارجنٹائن بنا فیفا کا فاتح

قطر میں ہونے والے فیفا ورلڈ کپ 2022 کے فائنل میچ میں ارجنٹائن نے فرانس کو شکست دے کر تیسری بار فیفا کا ٹائٹل اپنے نام کیا۔ ارجنٹائن نے 35 برس بعد میسی کی قیادت میں فیفا کا ٹائٹل اپنے نام کیا، میسی نے یہ ثابت کردیا کہ وہ اب کھیل کے عظیم کھلاڑیوں میں سے ہیں۔ میسی نے اس ٹورنا منٹ میں مجموعی طور پر کل سات گولیے اور بہترین کھلاڑی کے طور پر گولڈن بال کا ایوارڈ بھی جیت لیا۔

بین اسٹوکس نے انگلینڈ کو آئی سی ٹی 20 کا فاتح بنایا

بین اسٹوکس نے انگلینڈ کو آئی سی ٹی 20 کا فاتح بنایا

انگلینڈ نے آسٹریلیا میں ہونے والے آئی سی سی مینز ٹی ٹوئنٹی ورلڈ کپ میں پاکستان کو شکست دے کر دوسرا ٹائٹل اپنے نام کر لیا۔ بین اسٹوکس نے بڑے میچ کے بڑے کھلاڑی ہونے کا ثبوت دیتے ہوئے ناقابل شکست 52 رنز کی اننگز کھیلی اور اپنی ٹیم کی فتح میں اہم کردار ادا کیا۔ انگلینڈ نے سیمی فائنل میں روہت شرما کی قیادت میں بھارت کو 10 رنز سے شکست دے کر فائنل میں جگہ پکی کی تھی۔

پاکستان کو سری لنکا کے ہاتھوں ایشیا کپ ٹی 20 میں شکست

سری لنکا بنا ایشیا کپ کا فاتح

دبئی میں کھیلے گئے ایشیا کپ ٹی ٹوئنٹی کے فائنل مقابلے میں سری لنکا نے پاکستان کو 23 رنز سے شکست دے دی۔ سری لنکا کے 171 رنز کے تعاقب میں پاکستانی کی پوری ٹیم 147 رنز پر آوٹ ہوگئی، پاکستانی بیٹنگ لائن سری لنکن بولرز کے سامنے ریت کی دیوار ثابت ہوئی۔

بھارتی خواتین ٹیم نے ایشیا کپ میں خطاب اپنے نام کیا

ایشیا کپ 2022 کا خطاب بھارتی خواتین ٹیم کے نام

بھارتی خواتین ٹیم نے ٹی ٹوئنٹی ایشیا کپ 2022 فائنل میں سری لنکا کو 8 وکٹ سے ہرا کر ساتویں مرتبہ ایشیا کپ کا خطاب اپنے نام کیا۔ بھارتی ٹیم نے ایشیا کپ فائنل میں پانچویں مرتبہ سری لنکا کو ہرایا ہے۔

نیرج چوپڑا کے نام کئی ریکارڈ

نیرج چوپڑا کے نام کئی ریکارڈ

ٹوکیو اولمپکس 2020 جیولین تھرو میں طلائی تمغہ جیتنے والے نیرج چوپڑا کے لیے 2022 کا سال بہت شاندار گزارا۔ سنہ 2022 میں کئی ریکارڈ اپنے نام کرنے والے نیرج چوپڑا نے تاریخی ڈائمنڈ لیگ ٹرافی خطاب بھی جیتا، اس جیت کے ساتھ نیرج چوپڑا ڈائمنڈ لیگ ٹرافی کا خطاب جیتنے والے پہلے بھارتی کھلاڑی بنے۔

مردوں کی ہاٹی ٹیم کو کامن ویلتھ گیمز میں چاندی کا تمغہ

ویلتھ گیمز میں چاندی کا تمغہ

بھارت کی مردوں کی ہاکی ٹیم فائنل میں آسٹریلیا سے ہارنے کے بعد برمنگھم میں کامن ویلتھ گیمز 2022 سے چاندی کا تمغہ لے کر واپس لوٹی۔ ٹوکیو اولمپکس 2020 میں کانسی کا تمغہ جیتنے کے بعد بھارتی مردوں کی ٹیم کے لیے ایک برس میں یہ دوسرا سنگ میل کا مظاہرہ تھا۔

نکہت زرین کے نام کئی ریکارڈ

نکہت زرین کے نام کئی ریکارڈ

خواتین کی ورلڈ باکسنگ چیمپیئن شب کا خطاب جیتنے والی نکہت زرین کے لیے 2022 کا سال بہت شاندار گزرار۔ باکسر نکہت زرین پہلے ترکیہ میں خواتین کی ورلڈ باکسنگ چیمپیئن شپ کا خطاب جیتنے میں کامیاب رہیں پھر کامن ویلتھ گیمز میں نکہت زرین نے خواتین کے باکسنگ فائنل مقابلے میں جیت حاصل کرکے گولڈ میڈل اپنے نام کر لیا۔ وہیں نکہت زرین نے بھوپال میں منعقدہ 6 ویں ایلیٹ ویمنس نیشنل باکسنگ چمپئن شپ میں گولڈ میڈل بھی اپنے نام کیا۔

ٹینس اسٹار راجر فیڈرر کا ریٹائرمنٹ

ٹینس اسٹار راجر فیڈرر کا ریٹائرمنٹ

راجر فیڈرر کا 2022 میں پیشہ ورانہ ٹینس سے ریٹائرمنٹ کا اعلان کرنا 2022 کے اہم کھیلوں کے لمحات میں سے ایک تھا۔ ٹینس کے بڑے کھلاڑیوں میں سے ایک سوئٹزرلینڈ کے راجر فیڈرر نے نم آنکھوں کے ساتھ پروفیشنل ٹینس کو الوداع کہہ دیا۔ 20 بار گرینڈ سلیم چیمپئن نے یہ اعلان کرکے ٹینس کی دنیا کو حیران کردیا کہ وہ لیور کپ 2022 کے بعد پیشہ ورانہ ٹینس سے ریٹائر ہوجائیں گے۔

نم آنکھوں کے ساتھ راجر فیڈرر نے ٹینس کو الوداع کیا

نم آنکھوں کے ساتھ راجر فیڈرر نے ٹینس کو الوداع کیا

اکتالیس سالہ لیجنڈ ٹینس کھلاڑی راجر فیڈرر نے اپنے کیریئر کے آخری میچ میں فیڈرر کو فرانسس ٹیافو اور جیک ساک سے شکست کا سامنا کرنا پڑا۔ اپنے آخری میچ میں شکست کے بعد فیڈرر جذباتی ہوگئے۔ جب فیڈرر میچ ہار گئے اور انہیں یہ احساس ہوا کہ اس کے بعد وہ کبھی کورٹ پر نظر نہیں آئیں گے تو ان کی آنکھیں نم ہوگئیں۔

سرینا ولیمس نے ریٹائرمنٹ کا اعلان کیا

سرینا ولیمس نے ریٹائرمنٹ کا اعلان کیا

دو دہائیوں سے زائد عرصے سے کئی ریکارڈ بنانے والی سرینا ولیمس کا سفر یو ایس اوپن کے تیسرے راؤنڈ میں تھم گیا۔ سرینا نے پہلے ہی عندیہ دیا تھا کہ یو ایس اوپن میں یہ ان کا آخری ٹورنامنٹ ہوگا۔ اس طرح 23 بار کے گرینڈ سلیم چیمپئن نے سال 2022 میں ٹینس کو الوداع کہہ دیا۔

ہاردک پانڈیا کے ستارے چمکے

ہاردک پانڈیا کے ستارے چمکے

سٹار انڈین آل راؤنڈر ہاردک پانڈیا کو 2022 میں انڈین پریمیئر لیگ میں اپنے پہلے سیزن میں گجرات ٹائٹنز کی نئی فرنچائز کا کپتان مقرر کیا گیا تھا۔ پانڈیا نے ٹیم کی قیادت کی اور ٹیم کے ساتھ آئی پی ایل 2022 کی ٹرافی جیتی۔ اس کی وجہ سے پانڈیا کو آئرلینڈ اور نیوزی لینڈ کے خلاف دو سیریز میں بھارت کا T20I کپتان مقرر کیا گیا۔

ایم ایم اے میں کامارو عثمان کو شکست

ایم ایم اے کی دنیا نے 2022 میں کئی چونکا دینے والے نتائج کا مشاہدہ کیا جس میں کامارو عثمان کی مسلسل 15 جیت کی دوڑ کا خاتمہ بھی شامل ہے۔ عثمان یو ایف سی ویلٹر ویٹ چیمپئن شپ میں دیرینہ حریف لیون ایڈورڈز سے ہار گئے۔

19 سالہ نوجوان نے جیتا پہلا گرینڈ سلیم کا ٹائٹل

کارلوس الکاراز کے لیے سال 2022 خوابوں کا سال رہا

ہسپانوی 19 سالہ نوجوان کارلوس الکاراز کے لیے سال 2022 خوابوں کا سال رہا۔ جب انہوں نے یو ایس اوپن ٹینس چمپیئن شپ میں اپنا پہلا گرینڈ سلیم ٹائٹل جیتا۔ الکاراز نے فائنل میں کاسپر روڈ کو شکست دے کر یو ایس اوپن 2022 کا خطاب جیتا۔

مراکش فٹبال ٹیم نے فیفا میں تاریخ رقم کی

مراکش نے تاریخ رقم

قطر میں کھیلے گئے فیفا ورلڈ کپ 2022 میں مراکش فٹبال ٹیم نے تاریخ رقم کردی۔ مراکش کی ٹیم کسی بھی فٹبال ورلڈکپ کے سیمی فائنل تک رسائی حاصل کرنے والی پہلی افریقی اور عرب ٹیم بن گئی، لیکن سیمی فائنل میں فرانس کے ہاتھوں مراکش کی شکست کے بعد تیسری پوزیشن کے لیے مراکش کی ٹیم نے کروشیا سے مقابلہ کیا۔ تاہم کروشیا نے مراکش کو شکست دے کر تیسرے مقام پر قبضہ کرلیا۔