یروشلم:سی این این کی اطلاع کے مطابق الجریرہ کی صحافی شیرین ابو اکلیح کے جنازے میں شریک لوگ یروشلم کی سڑکوں پر نکل آئے۔ ہر کوئی تابوت کو پیدل لے جانے کی کوشش کر رہا تھا جس کی وجہ سے انہیں اسرائیلی پولیس کے تشدد کا سامنا کرنا پڑا۔ قابل ذکر ہے کہ مغربی کنارے میں بدھ کے روز اسرائیلی سیکورٹی فورس کے ذریعہ تلاشی مہم کے دوران گولی لگنے سے الجزیرہ کی صحافی کی موت ہوگئی تھی اور ایک دیگر زخمی ہوگیا تھا۔
جمعہ کو مغربی کنارے میں الجزیرہ کی صحافی کی موت پر تعزیت کے لیے جمع ہوئے فلسطینیوں اور اسرائیلی سیکورٹی فورسز کے درمیان جھڑپیں ہوئیں۔ Violence Erupts at Shireen Abu Akleh's Funeral
یہ واضح نہیں ہے کہ صحافی کو کس نے گولی ماری لیکن فلسطین کے وزیر صحت نے دعویٰ کیا ہے کہ مغربی کنارے میں الجزیرہ کی صحافی شیرین ابو اکلیح کو اسرائیلی فوجیوں نے گولی ماری۔ دریں اثنا مشرقی یروشلم کے سینٹ جوزف اسپتال کے باہر تجہیز وتکفین سے پہلے سینکڑوں لوگ جمع ہوئے تھے جہاں ابو اکلیح کی لاش تدفین ہونے تک رہی تھی۔ جمعہ کی نماز کے بعد سوگواروں نے 'پیدل چلو کے نعرے لگائے اور مطالبہ کیا کہ صحافی کے تابوت کو اسپتال سے پیدل یونانی آرتھوڈوکس چرچ لے جایا جائے۔ تاہم اس دوران اسرائیلی پولیس نے اسپتال کے قریب ناکہ بندی کر رکھی تھی اور تشدد شروع ہونے پر پولیس نے فلیش بم اور آنسو گیس کے گولے داغے۔
یہ بھی پڑھیں:
یو این آئی