شام: دو کار بم دھماکوں میں بچوں سمیت 13 افراد ہلاک

شام کے شمال مغربی علاقے میں دو کار بم دھماکوں میں کم از کم 13 افراد ہلاک اور متعدد زخمی ہوئے ہیں۔ ہلاک اور زخمی ہونے والوں میں بچے بھی شامل ہیں۔

شام کے شمال مغربی شہر الحسکہ کے قصبے اعزاز میں دو کار بم دھماکے ہوئے، جن میں مجموعی طور پر 13 افراد کے ہلاک اور 30 سے زائد افراد کے زخمی ہونے کی خبر ہے۔

دوسری جانب اسی علاقے میں کردوں کے حامی سیریئن ڈیموکریٹک فورس کے اہلکاروں نے مقامی حکومت کے حامی مظاہرین پر فائرنگ کردی جس کے نتیجے میں ایک شخص ہلاک اور 3 زخمی ہوگئے۔

شام میں دو کار بم دھماکوں میں بچوں سمیت 13 افراد ہلاک

خیال رہے کہ دو روز قبل بھی شام کے صنعتی ایریا عفرین میں کار بم دھماکے میں 6 افراد ہلاک اور 25 زخمی ہوگئے تھے۔ جس کی ذمہ داری ترک حکومت نے کردوں کی انتہا پسند جماعت پر عائد کی تھی۔

شام میں دو کار بم دھماکوں میں بچوں سمیت 13 افراد ہلاک

آج ہونے والے دونوں دھماکے بھی ترکی کے زیر انتظام علاقوں میں ہوئے ہیں۔

واضح رہے کہ شام کے علاقے عفرین کو ترک فوج نے سنہ 2018 میں ایک بڑے فوجی آپریشن کے ذریعے جنگجوؤں سے آزاد کرایا تھا۔ تاہم شہر کے کئی حصوں میں اس قسم کی کارروائیوں کا سلسلہ اب بھی جاری ہے۔