یعقوب الحلو نے کہا کہ ‘میں بدھ کو میجدا میں ایک گودام میں شدید فائرنگ کے اس واقعہ کے بارے میں سن کر دنگ رہ گیا ہوں، جس میں 30 مہاجر مزدور ہلاک اور 11 دیگر زخمی ہوگئے’۔
انہوں نے کہا کہ ‘جس علاقے میں یہ واقعہ ہوا، اس علاقے کے حکام کی ذمہ داری ہے کہ وہ انسانی اسمگلروں اور ان غیر انسانی کارروائیوں پر نکیل کسیں۔ اس طرح کے گھناؤنے اور بے رحمانہ جرائم کی فوری طور پر تحقیقات کی جانی چاہئے اور قصورواروں کو سزا دلا کر متاثرین کو انصاف دلانا چاہئے’۔