اجین میں جشن میلادالنبیﷺ کا آغاز

مدھیہ پردیش کے تاریخی شہر اجین میں تنظیم سیرت النبیﷺ نے نعتیہ نشست کا انعقاد کیا۔ ربیع الاول کا چاند نظر آتے ہی ملک بھر میں جشن میلاد کی تیاریوں کا آغاز ہوگیا۔ 12 ربیع الاول کو پیغمبر اسلام حضرت محمد صلی اللہ علیہ وسلم دنیا میں تشریف لائے تھے۔

مالوہ کے تاریخی شہر اجین میں کئی سالوں سے تنظیم سیرت النبی کی جانب سے ربیع الاول کا چاند نظر آتے ہی تقریبات کا انعقاد کیا جاتا ہے۔

گزشتہ شب نعتیہ نشست کا انعقاد کیا، جس میں نعت خواں حضرات نے کلام پیش کیا، وہی تنظیم 12 ربیع الاول کے روز خصوصی تقریبات اہتمام بھی کرتی ہیں۔

ربیع الاول کی 12 تاریخ کو اسلامی تعلیمات کے مطابق پیغمبر اسلام حضرت محمد صلی اللہ علیہ وسلم کی ولادت کا دن مانا جاتا ہے اسی لیے دنیا بھر کے مسلمان 12 ربیع الاول کو جشن میلاد النبی کے طور پر مناتے ہیں۔