سرینگر لیہہ شاہراہ پر کالا ریچھ مردہ پایا گیا

دوران شب سرینگر کے کجپورہ کنگن کے مقام پر ایک ریچھ سڑک کو پار کرنے کے دوران کسی گاڑی کی زد میں آکر ہلاک ہوگیا۔ جونہی صبح لوگوں نے یہ خبر سنی تو ایک بڑی تعداد مرے ہوئے ریچھ کے ارد گرد جمع ہوگئی۔

وسطی کشمیر ضلع گاندربل کے کنگن علاقے میں واقع کجپورہ میں صبح لوگوں کی ایک بڑی تعداد شاہراہ پر جمع ہوگئی، جب انہوں نے سڑک پر ایک ریچھ کے مردہ پائے جانے کی بابت سنا۔

دوران شب سرینگر کے کجپورہ کنگن کے مقام پر ایک ریچھ سڑک کو پار کرنے کے دوران کسی گاڑی کی زد میں آکر ہلاک ہوگیا۔ جونہی صبح لوگوں نے یہ خبر سنی تو ایک بڑی تعداد مرے ہوئے ریچھ کے ارد گرد جمع ہوگئی۔

واضح رہے کہ اس علاقے میں ریچھ کے حملوں میں کئی افراد زخمی ہوئے تھے جس کے بعد محکمۂ وائلڈ لائف نے کئی جگہوں پر پنجرے بھی نصب کئے تھے، تاہم ریچھ کو پکڑنا ممکن نہ ہوسکا تھا۔

مقامی لوگوں نے مطالبہ کیا ہے کہ علاقے میں مزید پنجرے نصب کیے جائیں اور سرچ آپریشن جاری رکھا جائے تاکہ انسانی بستیوں سے جنگلی جانوروں کو دور رکھا جاسکے۔