راجستھان: کورونا وائرس کے پیش نظرضمنی انتخابات ملتوی

جے پور، جودھ پوراور کوٹہ میں نو تشکیل شدہ 6 میونسپل کارپوریشنز کے انتخابات کو 6 ہفتوں کے لئے ملتوی کردیا گیا ہے۔ اسی کے ساتھ ہی، اس معاملے میں ریاستی الیکشن کمیشن کے عہدیداروں کا کہنا ہے کہ عدالت کے تحریری حکم کے بعد ہی کمیشن اس سلسلے میں کوئی فیصلہ لے گا۔

ریاست راجستھان کے دارالحکومت جے پور میں ہونے والے تین اضلاع کی 6 نو تشکیل شدہ میونسپل کارپوریشن کے ضمنی انتخابات کو آئندہ 6 ہفتوں کے لیے ملتوی کر دیا گیا ہے۔

اطلاع کے مطابق جسٹس سنگیت لوڑھا کے بنچ نے ریاستی حکومت کی درخواست سمیت دیگر درخواستوں کے پیش نظر یہ فیصلہ لیا ہے۔

ریاستی حکومت نے عدالت میں جانے اور انتخابات ملتوی کرنے کے تعلق سے الیکشن کمیشن کو خط لکھا۔ کمیشن کے جواب کے بعد خود ریاستی حکومت نے عدالت میں ایک عرضی داخل کی۔ جس پر سماعت کرتے ہوئے سنگیت لوڑھا کی بنچ نے انتخابات کو 6 ہفتوں کے لئے ملتوی کردیا ہے۔

وہیں اس معاملے میں ریاستی الیکشن کمیشن کے عہدیداروں کا کہنا ہے کہ عدالت کی جانب سے تحریری حکم کے بعد ہی کمیشن اس سلسلے میں کوئی فیصلہ لے گا۔ فی الحال نو تشکیل شدہ 6 میونسپل کارپوریشنز میں ضابطہ اخلاق نافذ ہے۔