بھوپال: لگاتار بڑھ رہے ڈینگو کے خلاف رکن اسمبلی نے مہم شروع کی

بھوپال مرکزی حلقے کے رکن اسمبلی عارف مسعود نے لگاتار بڑھ رہے ڈینگو کے خلاف مہم شروع کرتے ہوئے خود ضاف صفائی اور دواؤں کا چھڑکاؤ کیا۔

ریاست مدھیہ پردیش کے دارالحکومت بھوپال کے ساتھ پورے صوبے میں ڈینگو کا قہر جاری ہے، جس کی وجہ سے بھوپال کے ساتھ پورے صوبے کے ہسپتالوں میں لوگ اپنے علاج کے لیے قطاریں لگائے ہوئے ہیں۔

ان سب حالات کو دیکھتے ہوئے بھوپال کے مرکزی حلقے کی رکن اسمبلی عارف مسعود نے حکومت اور میونسپل کارپوریشن پر لاپرواہی کا الزام لگاتے ہوئے خود اپنے اسمبلی حلقے کی ذمہ داری اٹھاتے ہوئے صاف صفائی اور دواؤں کے چھڑکاؤ کا اعلان کیا تھا، جس کے بعد اب عارف مسعود ان کے حامیوں کے ساتھ آپ نے اسمبلی حلقے کی صاف صفائی کے لئے نکل پڑے ہیں۔

رکن اسمبلی عارف مسعود نے اپنے اسمبلی حلقے میں صاف صفائی کے ساتھ لوگوں میں صاف صفائی کے تیئں بیداری بھی پیدا کرنے کا کام کر رہی ہے۔

ان کا کہنا ہے کہ سبھی لوگ اپنے اپنے علاقوں میں صاف صفائی کا خاص خیال رکھیں کیونکہ حکومت اور میونسپل کارپوریشن اس طرح کی لاپرواہی کر رہی ہے، جس طرح کورونا وبا میں کی گئی تھی اور اس کا خمیازہ عوام کو بھگتنا پڑا تھا۔