بانڈی پورہ: خستہ حال سڑک سے مقامی پریشان

ضلع بانڈی پورہ کے شاہ گنڈ علاقے کی خستہ حال سڑک کو لے کر مقامی لوگوں نے انتظامیہ سے اپیل کی ہے کہ اس سڑک کی جلد از جلد مرمت کی جائے۔

شمالی کشمیر کے ضلع بانڈی پورہ کے شاہ گنڈ علاقے کی ایک اندرونی سڑک کی خستہ حالی عوام کے لئے مشکلات پیدہ کررہی ہے۔

حاجن تحصیل سے منسلک اس گاؤں کی یہ سڑک کئی دیہات کو آپس میں جوڑنے کا کام کرتی ہیں اور دیکھا جائے تو یہ ایک اہم سڑک ہیں لیکن یہ سڑک دھول اور مٹی سے بھری پڑی ہے جس کی وجہ سے یہاں چلنے پھرنے میں لوگوں کو دشواریوں کا سامنا کرنا پڑ رہا ہے۔

وہیں اس سڑک کی خستہ حالی کو لےکر مقامی لوگوں کا مطالبہ ہے کہ اس سڑک پر میگڈم بچھایا جائے تاکہ انہیں پریشانیوں کا سامنا نہ کرنا پڑے۔

مقامی لوگوں نے بتایا کہ 'سڑک میں جگہ جگہ بڑے گھڑے ہوگئے ہیں جس کی وجہ سے سڑک پر چلنا دشوار کن ہوتا جارہا ہے۔ انہوں ضلع انتظامیہ سے اس سڑک کی تعمیر کے علاوہ میگڈم ڈالنے کا بھی مطالبہ کیا ہے۔

ایک مقامی شہری نے بتایا کہ 'انہوں نے اس سلسلے میں پہلے بھی کئی دفعہ انتظامیہ کو اس بارے میں آگاہ کیا جا چکا ہے اس کے باوجود اس کو نظرانداز کیا گیا۔'

مقامی لوگوں نے اس سڑک کی تعمیر کو لےکر ایک دفعہ پھر اعلی حکام کو اس بارے میں آگاہ کیا ہے۔