مخصوص معلومات کی بنیاد پر تھانہ بانڈی پورہ کی پولیس پارٹی نے ایس ایچ او پی ایس بانڈی پورہ کی سربراہی میں ڈی وائی ایس پی ہیڈکوارٹر بانڈی پورہ محمد ادریس کی نگرانی میں گنڈبل پل پر ناکہ لگایا اور چیکنگ کے دوران ایک شخص کو اسپاسموپریکزوان کے 248 کیپسول سمیت 230 ٹیبلٹس الپروزولم اور ٹرامڈول کے 30 انجیکشنز سمیت گرفتار کر لیا۔
ملزم کی شناخت شوکت احمد گنائی عبید ولد عبدالاحد گنائی ساکنہ سلوسا کریری بارہمولہ کے طور پر ہوئی ہے۔ ابتدائی تفتیش کے دوران یہ انکشاف ہوا ہے کہ یہ منشیات ایک منشیات فروش بلال احمد راتھر ولد محد منور راتھر ساکنہ گامرو بانڈی پورہ نے فراہم کی تھی جس کی گرفتاری کے لئے کوشش جاری ہے۔
اس کے مطابق این ڈی پی ایس ایکٹ کی متعلقہ دفعات کے تحت ایف آئی آر نمبر 42/2021 تھانہ بانڈی پورہ میں درج کیا گیا ہے، مزید تفتیش شروع کردی گئی ہے۔