پولیس کا دعویٰ، پلوامہ میں لشکر طیبہ کے دو سرگرم معاون گرفتار

پولیس اہلکار نے بتایا کہ پلوامہ میں پولیس کے مشترکہ ناکے کے دوران سرکلر روڈ پلوامہ پر 55 آر آر اور 182 بٹالین سی آر پی ایف نے لشکر طیبہ کے دو سرگرم معاونین کو گرفتار کیا جن کی شناخت عامر بشیر ڈار ولد بشیر احمد ڈار ساکن سرنو پلوامہ اور مختار احمد بھٹ ولد عبدالجبار بھٹ ساکن متری بگ شوپیان کے طور پر کی گئی ہے۔

جموں و کشمیر کے ضلع پلوامہ کے سرکلر روڈ پر پولیس نے بدھ کے روز لشکر طیبہ کے دو سرگرم معاون کو گرفتار کرنے کا دعویٰ کیا ہے۔

پولیس اہلکار نے بتایا کہ پلوامہ پولیس کے مشترکہ ناکے کے دوران سرکلر روڈ پلوامہ پر 55 آر آر اور 182 بٹالین سی آر پی ایف کے مشترکہ تعاون سے لشکر طیبہ کے دو سرگرم معاونین کو گرفتار کیا گیا۔ ملزمین کی شناخت عامر بشیر ڈار ولد بشیر احمد ڈار ساکن سرنو پلوامہ اور مختار احمد بھٹ ولد عبدالجبار بھٹ ساکن متری بگ شوپیان کے طور پر کی گئی ہے۔

پولیس کے مطابق ان کے قبضہ سے دو آئی ای ڈیز برآمد ہوئے ہیں۔ اس سلسلے میں ایف آئی آر نمبر 315/21 P/sکے تحت کیس درج کر کے تفتیش شروع کر دی گئی ہے۔