اننت ناگ (جموں کشمیر) :وادی کشمیر میں بھی پارلیمانی انتخابات کی سرگرمیاں تیزی سے جاری ہیں۔ لوک سبھا انتخابات کے پیش نظر جہاں ملک بھر میں ایک طرف این ڈی اے کے امیدوار اپنا زور آزما رہے ہیں وہیں دوسری جانب انڈیا الائنس کے امیدوار بھی اپنی قسمت آزما رہے ہیں۔ ہر ایک سیاسی لیڈر کی کوشش ہے کہ کس طرح سے لوگوں کو اپنی اور مائل کریں۔
این سی کے انڈیا الائنس امیدوار کے حق میں ووٹ دیں گے: کانگریس لیڈر - India Alliance
Published : Apr 23, 2024, 4:44 PM IST
جنوبی کشمیر کے ضلع اننت ناگ کے کوکرناگ علاقے میں کانگریس کمیٹی کی جانب سے ورکرس کنونشن منعقد ہوا جس کی صدارت کانگریس کمیٹی کے جنرل سیکریٹری چودھری گلزار کھٹانہ کر رہے تھے۔ کنونشن میں اس بات پر زور دیا گیا کہ پارلیمانی انتخابات میں ان کی کیا حکمت عملی رہے گی؟ اس موقع پر مقررین نے ورکران پر زور دیتے ہوئے کہا کہ وہ کانگریس پارٹی کے منشور کو گھر گھر پہنچائیں اور آنے والے پارلیمانی انتخابات میں انڈیا الائنس کے امیدوار کو کامیاب کرنے میں اپنا رول نبھائیں۔
اس دوران جموں کشمیر کانگریس کمیٹی کے جنرل سیکریٹری چودھری گلزار کھٹانہ نے میڈیا سے بات کرتے ہوئے کہا کہ ’’ہم نے اپنے ورکران پر زور دیا ہے کہ وہ اپنے ووٹ کا استعمال انڈیا الائنس کے امیدوار کے حق میں کریں۔‘‘ انہوں نے کہا کہ نیشنل کانفرنس کی جانب سے منتخب کئے ہوئے امیدوار میاں الطاف نہ صرف نیشنل کانفرنس کی حیثیت سے میدان میں الیکشن لڑ رہے ہیں بلکہ میاں الطاف لاروی انڈیا الائنس کے بھی امیدوار ہیں۔ چودھری گلزار کا کہنا ہے کہ کانگریس کی جانب سے میاں الطاف کو بھرپور حمایت ملے گی اور ہم ہر ممکن کوشش کریں گے کہ 7 مئی کو کانگریس کا ہر ایک ووٹ این سی کی جھولی میں ڈال کر میاں الطاف کو کامیاب بنائیں۔
یہ بھی پڑھیں:جموں وکشمیر کے"تشخص" کا چورن 1931 سے بیچا جارہا ہے: ظفر اقبال منہاس - Zafar Iqbal Manhas interview