Praggnanandhaa Modi :స్టార్ చెస్ ప్లేయర్.. గ్రాండ్ మాస్టర్ ప్రజ్ఞానందగురువారం ప్రధాన మంత్రి నరేంద్ర మోదీని కలిశాడు. తన కుటుంబ సభ్యులతో పాటు దిల్లీకి వెళ్లిన ప్రజ్ఞానంద.. మోదీతో కాసేపు ముచ్చటించాడు. ఆ తర్వాత తాను గెలిచిన రజత పతకాన్ని మోదీకి చూపించాడు. అనంతరం మోదీ.. ప్రజ్ఞానంద ఫ్యామిలీతో సరదాగా గడిపారు. ఈ విషయాన్ని ప్రజ్ఞానంద ట్విట్టర్లో పోస్ట్ చేస్తూ.." ప్రధాని మోదీని వారి ఇంటికెళ్లి కలవడం సంతోషంగా ఉంది. నాతో పాటు నా తల్లిదండ్రులను ప్రోత్సహించినందుకు థ్యాంకూ సర్" రాసుకొచ్చాడు.
ఈ ట్వీట్ను మోదీ రీ ట్వీట్ చేస్తూ.. " 7, లోక్ కల్యాణ్ మార్గ్కు స్పెషల్ విజిటర్స్ వచ్చారు. ప్రజ్ఞానందనుఅతడి తల్లిదండ్రులను కలుసుకోవడం ఆనందంగా ఉంది. పట్టుదల ఉంటే ఏదైనా సాధించవచ్చని భారతదేశ యువతకు ఉదాహరణగా నిలిచాడు. నీ పట్ల గర్వంగా ఉంది" అని రాశారు.
Praggnanandhaa Stalin: ప్రపంచకప్ చెస్ టోర్నమెంట్ ముగించుకొని భారత్కు వచ్చిన ప్రజ్ఞానందకు.. బుధవారం చెన్నై ఎయిర్ పోర్టులో ఘన స్వాగతం లభించింది. అతడికి తమిళనాడు రాష్ట్ర ప్రభుత్వం అధికారికంగా.. సంప్రదాయ నృత్యాలతో కళాకారులతో వెల్కమ్ చెప్పింది. అనంతరం తమిళనాడు ముఖ్యమంత్రి ఎంకే స్టాలిన్, క్రీడా శాఖ మంత్రి ఉదయనిధి స్టాలిన్.. ప్రజ్ఞానంద తల్లిదండ్రులను సన్మానించారు. అతడికి ప్రభుత్వం తరఫున రూ. 30 లక్షల రూపాయల పురస్కారం అందజేశారు.