అంగారకుడి కక్ష్యలోకి విజయవంతంగా ఒక ఉపగ్రహాన్ని పంపిన యునైటెడ్ అరబ్ ఎమిరేట్స్(యూఏఈ).. మానవ సహిత అంతరిక్ష యాత్రకూ సమాయత్తమవుతోంది. ఈ దిశగా ఇద్దరు వ్యోమగాములను ఎంపిక చేసింది. వారిలో ఒకరు మహిళ కూడా ఉన్నారు. ఆమె పేరు నౌరా ఆల్ మాత్రౌషి. ఈ మేరకు దుబాయ్ పాలకుడు షేక్ మహ్మద్ బిన్ రషీద్ అల్ మాక్తౌమ్ శనివారం ట్విట్టర్లో వెల్లడించారు.
అంగారకుడి కక్ష్యలోకి ఇటీవల ఓ ఉపగ్రహాన్ని పంపిన యూఏఈ.. మానవ సహిత అంతరిక్ష యాత్రకూ సన్నద్ధమవుతోంది. ఇందుకోసం ఇద్దరు వ్యోమగాములను ఎంపిక చేయగా.. వారిలో ఒకరు మహిళ కావడం విశేషం.
4 వేల మంది దరఖాస్తుదారులను వడపోసి వీరిద్దరిని ఎంపిక చేశారు. వీరు అమెరికాలోని జాన్సన్ స్పేస్ సెంటర్లో శిక్షణ పొందుతారు. 2019లో యూఏఈకి చెందిన హజా అల్ మన్సూరీ.. అంతర్జాతీయ అంతరిక్ష కేంద్రం(ఐఎస్ఎస్)లో 8 రోజులు గడిపారు. తద్వారా అరబ్ ప్రపంచ తొలి వ్యోమగామిగా గుర్తింపు పొందారు. 2024లో చంద్రుడిపైకి మానవరహిత వ్యోమనౌకను పంపాలని యూఏఈ భావిస్తోంది.