Whatsapp block suicide: బాయ్ఫ్రెండ్ తన నెంబర్ను వాట్సాప్లో బ్లాక్ చేశాడని మహారాష్ట్ర ముంబయి సమీపంలోని దహీసర్లో ఓ యువతి ఆత్మహత్య చేసుకుంది. చిన్న వాగ్వాదం కారణంగా యువకుడు ఆమెను వాట్సాప్లో బ్లాక్ చేశాడు. దీంతో మనస్తాపానికి గురైన యువతి.. రైల్వే ట్రాక్ పక్క ఉన్న యువకుడి ఇంటి వద్దే ఉరేసుకొని ప్రాణాలు తీసుకుంది. మరణించిన ఆ యువతిని ప్రణాళి లోకడే(20)గా గుర్తించారు పోలీసులు. సోమవారం ఉదయం ఆమె చనిపోయిందని చెప్పారు.
"యువకుడి(27)తో మృతురాలికి ఆరేళ్లుగా పరిచయం ఉంది. గత ఆదివారం ఇద్దరు కలిసి ఓ వివాహానికి హాజరయ్యారు. ఆ తర్వాత యువకుడి ఇంటికి వెళ్లాలని ప్రణాళి పట్టుబట్టింది. అయితే, ఆ యువకుడు మాత్రం ఆమె అభ్యర్థనను తిరస్కరించాడు. ఇంటికి వెళ్లిపోవాలని సూచించాడు. ఆమె అలాగే వెళ్లిపోయింది. అయితే, పదేపదే ఫోన్ చేసి ఇంటికి వస్తానని యువకుడిని బతిమిలాడింది. రాత్రి అయింది కాబట్టి.. వద్దని చెప్పిన ఆ యువకుడు.. వాట్సాప్లో నెంబర్ను బ్లాక్ చేశాడు. దీంతో అప్పుడే ఇంట్లో నుంచి బయల్దేరి యువకుడి వద్దకు వచ్చింది ప్రణాళి. రాత్రి అతడితోనే ఉంది. ఉదయం లేచి చూసేసరికి సీలింగ్కు దుపట్టాతో ఉరేసుకొని కనిపించింది" అని పోలీసులు వెల్లడించారు.