విశాఖ జిల్లా దేవరాపల్లి మండల కేంద్రంలో శరీర భాగాలు సరిగ్గా ఎదగని పసికందు మృతదేహం కలకలం రేపింది. సాయంత్రం వేళ చిన్నారులంతా కలిసి ఆడుకుంటుండగా బంతి మురుగు కాలువలో పడింది. దాన్ని తీసేందుకు వెళ్లిన పిల్లలకు అక్కడ ఏదో వింతగా కనిపించింది.
విషయం అక్కడే ఉన్న పెద్దవారికి తెలియజేయగా.. శిశువు మృతదేహామని వారు గుర్తించారు. స్థానికులు అందించిన సమాచారంతో సీఐ సింహాచలం, ఐసీడీఎస్ పీఓ రమాదేవి ఘటన స్థలానికి చేరుకున్నారు. మృతదేహం బయటకు తీసి, పసికందుకు సంబంధించిన వివరాలను ఆరా తీశారు. పోలీసులు కేసు నమోదుచేసి, దర్యాప్తు చేస్తున్నారు.