అక్టోబరు 2 నుంచి కొత్తవారికి పింఛన్ల పంపిణీ

అక్టోబరు 2వ తేదీ నుంచి కొత్త వారికి పింఛన్లు ఇచ్చేందుకు ప్రభుత్వం సిద్ధమైంది. అర్హుల ఎంపిక తర్వాత వాలంటీర్ల ద్వారా లబ్ధిదారుల ఇంటి వద్దే పింఛన్లు పంపిణీ చేస్తారు. ప్రజా సాధికారిక సర్వే ప్రకారం 65 నుంచి 60 ఏళ్ల మధ్య 5.49లక్షల మంది ఉన్నట్లు ప్రాథమికంగా అంచనా వేశారు.

సామాజిక భద్రత పింఛన్లకు అర్హులైన వారు దరఖాస్తు చేసుకునేందుకు ప్రభుత్వం అవకాశం కల్పించింది. అర్హుల ఎంపిక తర్వాత వాలంటీర్ల ద్వారా లబ్ధిదారుల ఇంటి వద్దే పింఛను పంపిణీ చేస్తారు. అక్టోబరు 2 నుంచి ఈ కొత్తవారికి పింఛన్లను ప్రభుత్వం పంపిణీ చేయనుంది. సీఎం జగన్ హామీనిచ్చిన నేపథ్యంలో ఇప్పటికే పింఛన్ల అర్హత వయసును 65 ఏళ్ల నుంచి 60 ఏళ్లకు తగ్గించింది. వీరితో పాటు తలసేమియా, పక్షవాతం, కుష్ఠు వ్యాధిగ్రస్తులకు అందించనుంది.