Bike Accident : ఉపాధిని వెతుక్కుంటూ ఊరుకానీ ఊరు వచ్చిన ఆముగ్గురు యువకులను రోడ్డు ప్రమాదం రూపంలో మృత్యువ కబళించింది. అనంతపురం జిల్లా నల్లచెరువు మండలం రాగన్నగారిపల్లి సమీపంలో జాతీయరహదారి 42పై రెండు ద్విచక్రవాహనాలు ఢీకొన్న ప్రమాదంలో ముగ్గురు యువకులు అక్కడిక్కడే మృతిచెందారు.
మృతుల వివరాలు...
తమిళనాడుకు చెందిన వెంకటేష్, రవి అనే ఇద్దరు మిత్రులు ఉద్యోగం కోసం అనంతపురం జిల్లాలోని కదిరికి వచ్చారు. మంజునాథఫైనాన్స్ కంపెనీలో ఉద్యోగాలను సంపాదించారు. కదిరి పరిసరాల్లో ఫైనాన్స్ ద్వారా రుణాలు ఇస్తూ వాటి వాయిదాలను వసూలు చేసే ఉద్యోగాన్ని చేస్తూ ఉపాధి పొందుతున్నారు. తమఖర్చులకు పోనూ కుటుంబానికి డబ్బులు పంపుతూ ఉండేవారు. ఉత్తరప్రదేశ్ కు చెందిన తస్లీంఆరిఫ్ కదిరిలో నివాసం ఉంటూ నల్లచెరువులోని బీరువాల కంపెనీలు పనిచేసే వాడు.