Arrest: ముఖ్యమంత్రి జగన్ సమీప బంధువు, పులివెందుల నియోజకవర్గం చక్రాయపేట మండల వైకాపా ఇన్‌ఛార్జ్‌ Y.S. కొండారెడ్డిని పోలీసులు అరెస్ట్ చేశారు. రహదారి పనులు చేస్తున్న గుత్తేదారుడిని బెదిరించిన కేసులో ఆయనను పోలీసులు అదుపులోకి తీసుకున్నారు.
గుత్తేదారుడిని బెదిరించిన కేసులో.. వైకాపా నేత వైఎస్ కొండారెడ్డి అరెస్ట్
వైఎస్ఆర్ జిల్లా చక్రాయపేట మండలంలో ఎస్.ఆర్.కె. కన్స్ట్రక్షన్ సంస్థ.. రాయచోటి-పులివెందుల రహదారి పనులు చేస్తోంది. చక్రాయపేట మండల వైకాపా ఇన్‌ఛార్జిగా ఉన్న జగన్ సమీప బంధువు వై.ఎస్.కొండారెడ్డి.. నిర్మాణ సంస్థ గుత్తేదారును డబ్బులు కావాలని డిమాండు చేసి బెదిరించినట్లు చక్రాయపేట పోలీసులకు ఫిర్యాదు అందింది. దీనిపై పోలీసులు విచారణ జరిపారు. చక్రాయపేట మండలంలో పనులు చేయాలంటే తప్పకుండా తనకు డబ్బులు ఇవ్వాల్సిందేనని గుత్తేదారును బెదిరించినట్లు తేలడంతో కొండారెడ్డిని అరెస్ట్ చేశారు.