అపహరణకు గురైన శిశువు లభ్యం.. వరంగల్ రైల్వే స్టేషన్‌లో గుర్తించిన పోలీసులు

Baby Kidnap: తెలంగాణలోని రాజన్న సిరిసిల్ల జిల్లా వేములవాడ ఆలయం వద్ద అపహరణకు గురైన శిశువు ఆచూకీ లభ్యమైంది. నిందితురాలిని పోలీసులు అదుపులోకి తీసుకున్నారు. ఇవాళ తెల్లవారుజామున శిశువును కిడ్నాప్​ చేయగా.. గాలింపు చేపట్టిన పోలీసులు వరంగల్ రైల్వే స్టేషన్​లో గుర్తించారు.

Baby Kidnap: తెలంగాణలోని సిరిసిల్ల వేములవాడ రాజన్న ఆలయం వద్ద శిశువు కిడ్నాప్​ కథ సుఖాంతమైంది. ఇవాళ ఉదయం అపహరణకు గురైన శిశువును పోలీసులు గుర్తించారు. వరంగల్​ రైల్వేస్టేషన్​లో నిందితురాలిని అదుపులోకి తీసుకున్నారు. సీసీ కెమెరాల ఆధారంగా దర్యాప్తు జరిపిన పోలీసులు అపహరణకు గురైన కొన్ని గంటల్లోనే ఈ కేసును ఛేదించారు.

కరీంనగర్‌కు చెందిన లావణ్య అనే మహిళ నాలుగు రోజులుగా తన ఇద్దరు పిల్లలతో ఆలయం మెట్ల వద్ద ఉంటోంది. రాత్రి సమయంలో లావణ్య ఆలయ పరిసరాల్లో నిద్రిస్తుండగా ఓ మహిళ శిశువును అపహరించింది. అపహరణకు ముందు లావణ్యకు మద్యం తాగించారు. ఆమె నిద్రమత్తులోకి వెళ్లగానే శిశువును అపహరించారు. కుటుంబ కలహాలతో లావణ్యను భర్త వదిలేసి వెళ్లిపోయినట్లు తెలుస్తోంది. బాధితురాలి ఫిర్యాదుతో పోలీసులు దర్యాప్తు చేపట్టి చిన్నారిని కాపాడారు.

ఇవీ చదవండి :రాష్ట్రానికి తెదేపా అవసరాన్ని చాటేలా.. మహానాడు జరపాలి : చంద్రబాబు