தமிழர் திருநாளான பொங்கல் பண்டிகையையொட்டி வேலூர் மாவட்டத்தில் எருதுவிடும் விழா நடைபெறுவது வழக்கம். அந்த வகையில் கரோனா வைரஸ் தாக்கத்தை கருத்தில் கொண்டு வழிகாட்டு நெறிமுறைகளுடன் எருதுவிடும் விழா, ஜல்லிக்கட்டு நடத்த அரசு அனுமதி அளித்திருந்தது.
வேலூர் மாவட்டத்தில் மொத்தம் 82 கிராமங்களில் எருதுவிடும் விழா நடத்த மாவட்ட நிர்வாகம் அனுமதி அளித்திருந்தது. அதன்படி, தை பொங்கலை முன்னிட்டு இன்று (ஜன.14) அணைகட்டில் எருதுவிடும் விழா நடைபெற்றது. இதில் தமிழ்நாடு மற்றும் ஆந்திர மாநிலத்தைச் சேர்ந்த சுமார் 100க்கும் மேற்பட்ட காளைகள் பங்கேற்றன. மாட்டு உரிமையாளர்களுக்கு கரோனா முன்னெச்சரிக்கை நடவடிக்கையாக கரோனா பரிசோதனையும் மேற்கொள்ளப்பட்டது.
வேலூரில் நடைபெற்ற எருதுவிடும் விழா