சென்னை:திருவள்ளூர் பூண்டி அடுத்த வெள்ளாத்துக் கோட்டை கிராமத்தில் கடந்த 20 ஆண்டுகளாக முனுசாமி என்ற பூசாரி ஆசிரமம் நடத்திவருகிறார். இந்த ஆசிரமத்தில் இருந்த கல்லூரி மாணவி கடந்த வாரம் உயிரிழந்தார்.
இந்நிலையில் அவரது உறவினர்கள் அந்த மாணவியின் மரணத்திற்கு நீதி விசாரணை தேவை என்று மாவட்ட ஆட்சியர், காவல் கண்காணிப்பாளர் உள்ளிட்ட பல்வேறு இடங்களில் புகார் மனு அளித்தனர்.
இருந்தபோதிலும் பயன் இல்லாத காரணத்தால் இன்று (பிப்ரவரி 21) சென்னை தலைமைச் செயலகத்திற்கு முதலமைச்சர் தனிப்பிரிவில் மனு வழங்க வந்தனர். அப்போது, காவல் துறையினர் அவர்களை அனுமதிக்காததால் குடும்பத்தினர் அனைவரும் கதறி அழுத சம்பவம் பெரும் பரபரப்பை ஏற்படுத்தியது.