தென் தமிழகத்தில் மிகவும் பிரசித்திபெற்ற சிவாலயங்களுள் ஒன்று தென்காசி மாவட்டம் சங்கரன்கோவில் சங்கரநாராயண சுவாமி கோயிலாகும்.
இக்கோயிலில் ஆண்டுதோறும் ஆடி மாதம் ஆடித்தபசு திருவிழா வெகுவிமர்சையாக நடைபெறுவது வழக்கம். சுமார் 12 நாள்களுக்கு நடைபெறும் இவ்விழாவில் சுவாமி, அம்பாள் காலை, மாலை என்று இருவேளைகளிலும் பல்வேறு வாகனங்களில் உலா வருவார்கள்.
இந்நிலையில் இந்தாண்டு ஆடித்தவசு திருவிழா கரோனா தொற்று காரணமாக ரத்து செய்யப்பட்டு, பக்தர்கள் இல்லாமல் கோயிலுக்குள் உள்திருவிழாவாக நடைபெற்றது.