மதுரை: பரமக்குடி - சத்திரக்குடி ரயில் நிலையங்களுக்கிடையே ரயில் பாதை பராமரிப்புப் பணிகள் நடைபெற்று வருகிறது. இதன் காரணமாக வரும் ஜனவரி 1 முதல் ஜனவரி 31ஆம் தேதி வரை, வியாழக்கிழமைகள் தவிரவும், பாம்பன் ரயில் பாலத்தில் பராமரிப்புப் பணிகள் நடைபெறுவதாலும் தற்போது ராமேஸ்வரம் - மதுரை ரயில்கள் இராமநாதபுரத்தில் இருந்து இயக்கப்படுகின்றன. எனவே, இந்த ரயில் ராமநாதபுரத்தில் இருந்து மதியம் 12.05 மணிக்குப் புறப்படுவதற்கு பதிலாக 60 நிமிடங்கள் காலதாமதமாக மதியம் 01.05 மணிக்குப் புறப்படும் என தெற்கு ரயில்வே அறிவித்துள்ளது.
பாம்பன் ரயில் பாலத்தில் பராமரிப்புப் பணிகள் நிறைவுபெற்றபின், மற்ற நாட்களில் ராமேஸ்வரம் - மதுரை சிறப்பு ரயில் (06654) ராமேஸ்வரத்தில் இருந்து காலை 11 மணிக்கு புறப்படுவதற்குப் பதிலாக 60 நிமிடங்கள் தாமதமாக மதியம் 12 மணிக்குப் புறப்படும் என தெரிவிக்கப்பட்டுள்ளது.
இதையும் படிங்க:ETV Bharat 2022 Roundup: சென்னை விமானநிலையம் சந்தித்த சாதனைகளும் சோதனைகளும்