மதுரை: புதுக்கோட்டை மாவட்டம் கறம்பக்குடியைச் சேர்ந்த சண்முகம் என்பவர், உயர் நீதிமன்ற மதுரைக்கிளை நீதிபதிகள் வேல்முருகன் மற்றும் விஜயகுமார் ஆகியோர் அடங்கிய அமர்வு முன்பு ஒரு முறையீட்டை முன்வைத்தார். அதில், “புதுக்கோட்டை இறையூரில், அருந்ததியர் மக்கள் வசிக்கும் பகுதி மேல்நிலை நீர்த்தேக்கத் தொட்டியில் கழிவுநீர் கலக்கப்பட்டது.
இந்த தண்ணீரைக் குடித்ததால் பல குழந்தைகளுக்கு வாந்தி, வயிற்றுப்போக்கு ஏற்பட்டது. இதனைத்தொடர்ந்து புதுக்கோட்டை மாவட்ட ஆட்சியர் ஆய்வு செய்தபோது, அப்பகுதியில் இரட்டைக்குவளை முறை வழக்கத்திலிருந்தது தெரிய வந்தது. புதுக்கோட்டை மாவட்டத்தைப் பொறுத்தவரை, பல கிராமங்களிலும் இது போன்ற தீண்டாமை கொடுமைகள் நடைபெற்று வருகின்றன.