கோயம்புத்தூர்: ராமநாதபுரம் மாவட்டம் பரமக்குடி பகுதியைச் சேர்ந்த கெளசல்யா(19), கோயம்புத்தூர் பீளமேடு பகுதியைச் சேர்ந்தவர் கார்த்திக்(23) இருவரும் கோயம்புத்தூரில் உள்ள நிறுவனத்தில் பணியாற்றி வந்தனர்.
அப்போது இருவருக்கும் இடையே காதல் ஏற்பட்டுள்ளது. இதைதொடர்ந்து மே 31ஆம் தேதி கோயம்புத்தூர் காந்திபுரத்தில் உள்ள தந்தை பெரியார் படிப்பகத்தில் திருமணம் செய்து கொண்டனர். இதற்கு கார்த்திக்கின் வீட்டார் சம்மதம் தெரிவித்த நிலையில், பெண் வீட்டார் மறுப்பு தெரிவித்தாக தெரிகிறது.
இந்த நிலையில் பெண்ணின் உறவினர்கள் ஜூன் 1ஆம் தேதி கோவை வந்துள்ளனர். அப்போது தேவகோட்டை காவல்துறையினர் உதவியுடன் தம்பதிகள் சரவணம்பட்டியில் இருப்பதை அறிந்து அங்கு சென்றனர். இதனையறிந்த தம்பதி சரவணம்பட்டி காவல் நிலையத்திற்கு சென்று பாதுகாப்பு கேட்டனர். அங்கேயும் சென்ற தேவகோட்டை போலீசார் தம்பதி மீது கடத்தல் வழக்கு பதிவு செய்யப்பட்டுள்ளது. இருவரையும் நீதிமன்றத்தில் ஆஜர்படுத்த வேண்டும் என்று கூறியுள்ளனர்.