இந்தியன் சூப்பர் லீக் போட்டிகளைத் தொடர்ந்து ஐ-லீக் கால்பந்து தொடர் வருகிற அடுத்தாண்டு ஜனவரி மாதத்தில் நடத்த அகில இந்திய கால்பந்து கூட்டமைப்பு திட்டமிட்டுள்ளது. இதற்கென தொடரில் பங்கேற்கும் அணிகள் தற்போது அணி தேர்வு மற்றும் பயிற்சியாளர்களை நியமித்து வருகின்றன.
அதன்படி ஜனவரி மாதம் நடைபெறவுள்ள ஐ - லீக் கால்பந்து தொடரில் பங்கேற்கும் சென்னை சிட்டி எஃப்சி அணியின் தலைமைப் பயிற்சியாளராக சத்தியசாகரா நியமிக்கப்பட்டுள்ளார்.
முன்னதாக சத்தியசாகரா, கொல்கத்தா கிரிக்கெட் & கால்பந்து கிளப் (CCFC) அணியின் துணைப் பயிற்சியாளராக பணியாற்றி வந்தார். இவர் கிட்டத்தட்ட 26 வருடங்கள் வெவ்வேறு அணிகளில் பயிற்சியாளராக பணியாற்றியுள்ளார்.