மும்பை:15ஆவது ஐபிஎல் சீசன் கடந்த மார்ச் 28ஆம் தேதி தொடங்கிய நிலையில், லீக் ஆட்டங்கள் விறுவிறுப்பாக நடைபெற்றுவருகின்றன. இன்று (ஏப். 17) இரண்டு லீக் போட்டிகள் நடக்கின்றன. பஞ்சாப் கிங்ஸ், சன்ரைசர்ஸ் ஹைதராபாத் ஆகிய அணிகள் மோதும் முதல் போட்டி நவி மும்பையில் நடைபெற்றுவருகிறது.
ஹர்திக்குக்கு காயம்:இரண்டாவது ஆட்டம், புனேவின் எம்சிஏ மைதானத்தில் நடக்கிறது. இதில் குஜராத் டைட்டனஸ் அணியுடன் சென்னை சூப்பர் கிங்ஸ் அணி மோதுகிறது. முதலில் டாஸ் வென்ற குஜராத் அணி பந்துவீச்சை தேர்வு செய்தது.
குஜராத் அணியின் கேப்டன் ஹர்திக் பாண்டியாவுக்கு ஏற்பட்ட காயம் காரணமாக இந்த போட்டியிலிருந்து விலகினார். அவருக்கு பதிலாக ரஷித் கான் தலைமைப் பொறுப்பை ஏற்றுள்ளார். மேத்யூ வேட் நீக்கப்பட்டு, அல்ஸாரி ஜோசப், விருத்திமான் சாஹா ஆகியோருக்கு வாய்ப்பளிக்கப்பட்டுள்ளது. சென்னை அணியில் எந்த மாற்றமும் செய்யப்படவில்லை.