கிரிக்கெட் ஆடுவதற்கு பேட், பால், மைதானம், வீரர்கள் என எவ்வளவு இருந்தாலும் அதனை ரசிப்பதற்கு ரசிகர்கள் வேண்டும். டி20, டி10, டெஸ்ட் கிரிக்கெட், உலகக்கோப்பை என அனைத்து வகையான கிரிக்கெட்களுக்கும் காரணம் ரசிகர்களை ஈர்க்கவேண்டும் என்பதுதான். இங்கே கிரிக்கெட் உயிர்ப்போடு இருக்கிறது என்றால், அதற்கு ரசிகர்களும் முக்கிய காரணம்.
சில மாதங்களுக்கு முன்னதாக நடந்த உலகக்கோப்பைத் தொடரில் 87ஆவது வயதில் மைதானத்திற்கு வந்து இந்திய அணி மீதான நம்பிக்கையையும், கிரிக்கெட் மீதான ஆர்வத்தையும் வெளிக்காட்டியவர் சாருலதா படேல்.
உலகக்கோப்பை தொடரின்போது பிர்மின்ஹாமின் எட்ஜ்பாஸ்டனில் நடந்த வங்கதேசத்திற்கு எதிரான போட்டியின்போது மைதானத்திற்கு சென்று இந்திய வீரர்களை உற்சாகப்படுத்தினார். இவர் மைதானத்தில் செய்த சேட்டைகள், இவருக்கு ரசிகர்களையும் பெற்றுக்கொடுத்தது.