இந்தியா- இங்கிலாந்து அணிகளுக்கு இடையேயான நான்கு போட்டிகள் கொண்ட டெஸ்ட் தொடர் நடைபெற்றுவருகிறது. முன்னதாக நடைபெற்ற மூன்ற டெஸ்ட் போட்டிகளில் இந்திய அணி 2 போட்டிகளில் வெற்றி பெற்று 2-1 என்ற கணக்கில் தொடரில் முன்னிலை வகிக்கிறது.
இந்நிலையில் இரு அணிகளுக்கும் இடையேயான நான்காவது டெஸ்ட் போட்டி அகமதாபாத்திலுள்ள நரேந்திர மோடி விளையாட்டரங்கில் மார்ச் 4ஆம் தேதி தொடங்கவுள்ளது. இதற்காக இரு அணி வீரர்களும் வலைபயிற்சியில் ஈடுபட்டு வருகின்றனர்.
இதற்கிடையில் இந்திய அணியின் நட்சத்திர வேகப்பந்து வீச்சாளர் ஜஸ்பிரித் பும்ரா தனிப்பட்ட காரணங்களுக்காக, இங்கிலாந்துக்கு எதிரான நான்காவது டெஸ்ட் போட்டியிலிருந்து விலகியுள்ளார். இதனை பிசிசிஐ உறுதிசெய்துள்ளது.