’லேடி சூப்பர் ஸ்டார்’ எனக் கோலிவுட் ரசிகர்களால் கொண்டாடப்படும் நயன்தாரா, நாளை (நவ.17) தனது பிறந்தநாளைக் கொண்டாடுகிறார். இந்நிலையில், தனது காதலர் விக்னேஷ் சிவன் தயாரிப்பில் மிலிந்த் ராவ் இயக்கத்தில் நயன்தாரா நடித்து வரும் நெற்றிக்கண் திரைப்படத்தின் டீசர் நாளை காலை 9.09 மணிக்கு வெளியாகும் என அறிவிப்பு வெளியாகி உள்ளது.
நெற்றிக்கண் திரைப்படத்தில் நயன்தாரா முதன்முறையாக கண்பார்வை அற்றவராக நடித்துள்ள நிலையில், அவரது ரசிகர்களிடையே இப்படத்தின் மீதான எதிர்ப்பார்ப்பு அதிகரித்துள்ளது. முன்னதாக கடந்த அக்டோபர் 23ஆம் தேதி இப்படத்தின் ஃபர்ஸ்ட் லுக் போஸ்டர் வெளியான நிலையில், நாளை இப்படத்தின் டீசர் வெளியிடப்படுவதாக அறிவிப்பு வெளிவந்துள்ளது.