டிக் டாக் உட்பட 59 சீன செயலிகளுக்கு மத்திய அரசு தடை விதித்துள்ளது. டிக் டாக் செயலி தடை செய்யப்பட்டதால் அதற்கு மாற்று செயலியை இந்தியர்கள் தேடிக்கொண்டு இருக்கின்றனர்.குறிப்பாக இந்திய செயலிகளான சிங்காரி, ரோப்ஸோ, மிட்ரான், மோஜ் உள்ளிட்ட செயலிகள் இருந்தாலும் டிக் டாக் அளவிற்கு அவை இல்லை என பயனர்கள் கருதுகின்றனர்.
இச்சூழலில், டிக் டாக்கிற்கு மாற்றாக இன்ஸ்டாகிராம் ரீல்ஸ் சேவை சோதனையின் அடிப்படையில் இந்தியாவில் இன்று (ஜூலை 8) 7.30 மணியளவில் அறிமுகமானதாக பேஸ்புக் தெரிவித்துள்ளது. இன்ஸ்டாகிராம் தளத்தில் பதிவு செய்யப்படுகின்ற பெரும்பாலான வீடியோக்கள் 15 விநாடிகளுக்கு குறைவாக உள்ள குறுகிய வீடியோவாக அமைந்துள்ளது.