தொடக்கத்தில் கரோனா பரவல் காரணமாக மிகவும் மோசமாக பாதிக்கப்பட்ட நாடுகளில் ஒன்றாக இத்தாலி இருந்தது. இருப்பினும், பின்னர் இத்தாலியில் வைரஸ் பரவல் படிப்படியாக குறைந்தது.
இதனால், கரோனா காரணமாக அமல்படுத்தப்பட்ட கட்டுப்பாடுகளில் பல்வேறு தளர்வுகளை அந்நாட்டு அரசு அறிவித்தது. அதன்படி விளையாட்டுப் போட்டிகளை நேரில் காண ஆயிரம் பேருக்கு அனுமதி அளிக்கப்பட்டிருந்தது.
இந்தச் சூழலில், இத்தாலியில் கரோனா பரவல் தற்போது மீண்டும் அதிகரித்துள்ளது. கடந்த இரண்டு நாள்களில் மட்டும் சுமார் 40 ஆயிரம் பேருக்கு அந்நாட்டில் கரோனா உறுதி செய்யப்பட்டுள்ளது.