22:36 March 10
மூவேந்தர் முன்னேற்றக்கழகத்திற்கு கும்பகோணம்; புரட்சி பாரதம் கட்சிக்கு கே.வி.குப்பம்
அதிமுக கூட்டணியில் மூவேந்தர் முன்னேற்றக் கழகத்திற்கு கும்பகோணம் தொகுதி ஒதுக்கீடு செய்யப்பட்டுள்ளது.
அதிமுக கூட்டணியில் புரட்சி பாரதம் கட்சிக்கு கீழ்வைத்தியணான் குப்பம் (தனி) ஒதுக்கீடு செய்யப்பட்டு, இரட்டை இலை சின்னத்தில் அக்கட்சியினர் போட்டியிடுகின்றனர்.
22:16 March 10
ஆதித்தமிழர் பேரவைக்கு அவிநாசி தொகுதி
திமுக கூட்டணியில் ஆதித் தமிழர் பேரவைக்கு அவிநாசி தொகுதியும், மக்கள் விடுதலை கட்சிக்கு நிலக்கோட்டை தொகுதியும் ஒதுக்கீடு செய்யப்பட்டுள்ளது.
21:48 March 10
பாமகவின் முதற்கட்ட வேட்பாளர் பட்டியல் வெளியீடு
பாமகவின் முதற்கட்ட வேட்பாளர் பட்டியல் வெளியிடப்பட்டுள்ளது. அதன்படி வேட்பாளரின் பெயர்களும், அவர் தம் தொகுதிகளும் கீழே குறிப்பிடப்பட்டுள்ளன.
ஜி.கே. மணி - பென்னாகரம்
திலகபாமா - ஆத்தூர் (திண்டுக்கல்)
மீ.கா. செல்வக்குமார் - கீழ்ப்பென்னாத்தூர்
ஆறுமுகம் - திருப்போரூர்
வழக்கறிஞர். கே. பாலு - ஜெயங்கொண்டம்
கே.எல். இளவழகன் - ஆற்காடு
டி.கே. ராஜா - திருப்பத்தூர்
எஸ்.பி.வெங்கடேஸ்வரன் - தருமபுரி
எம்.பி.எஸ். இராஜேந்திரன் - செஞ்சி
இரா. அருள் - சேலம் மேற்கு
21:40 March 10
தமிழக மக்கள் முன்னேற்ற கழகத்திற்கு எழும்பூர் தொகுதியை ஒதுக்கிய அதிமுக
அதிமுக கூட்டணியில் ஜான் பாண்டியனின் தமிழக மக்கள் முன்னேற்ற கழகத்திற்கு எழும்பூர் தொகுதி ஒதுக்கீடு செய்யப்பட்டுள்ளது.
அதேபோல் என்.ஆர்.தனபாலனின் பெருந்தலைவர் மக்கள் கட்சிக்கு பெரம்பூர் தொகுதி ஒதுக்கீடு செய்யப்பட்டுள்ளது.
19:58 March 10
திமுக கூட்டணியில் மதிமுக போட்டியிடும் தொகுதிகள்
திமுக கூட்டணியில் உள்ள மதிமுக கட்சி மதுராந்தகம், வாசுதேவநல்லூர், சாத்தூர், அரியலூர், கோயம்புத்தூர் வடக்கு, மதுரை தெற்கு ஆகிய ஆறு தொகுதிகளில் உதய சூரியன் சின்னத்தில் போட்டியிடுகிறது.
19:58 March 10
இந்திய யூனியன் முஸ்லிம் லீக் போட்டியிடும் தொகுதிகள்
திமுக கூட்டணியில் இந்திய யூனியன் முஸ்லிம் லீக் கட்சி கடையநல்லூர், வாணியம்பாடி, சிதம்பரம் ஆகிய தொகுதிகளில் போட்டியிடுகிறது.
19:09 March 10
பாமக போட்டியிடும் தொகுதிகள்!
சட்டப்பேரவைத் தேர்தலில் அதிமுக கூட்டணியில் பாமக போட்டியிடும் தொகுதிகள் அறிவிக்கப்பட்டுள்ளன.
19:09 March 10
தமிழ்நாட்டில் பாஜக போட்டியிடும் தொகுதிகள்!
சட்டப்பேரவைத் தேர்தலில் அதிமுக கூட்டணியில் பாஜக போட்டியிடும் தொகுதிகள் அறிவிக்கப்பட்டுள்ளது.
17:49 March 10
அதிமுக வேட்பாளர் பட்டியல் வெளியீடு
சட்டப்பேரவைத் தேர்தலில் அதிமுக போட்டியிடும் இரண்டாம் கட்ட வேட்பாளர் பட்டியல் வெளியாகியுள்ளது.
15:53 March 10
காங்கிரஸ் கட்சிக்கு எந்தெந்தத் தொகுதிகள்
சட்டப்பேரவைத் தேர்தலில் திமுக கூட்டணியில் 25 இடங்களைப் பெற்றுள்ள காங்கிரஸ், தங்களுக்கு ஒதுக்கப்படும் தொகுதிகள் குறித்து தற்போது பேச்சுவார்த்தை நடத்துகிறது. தொகுதிப் பேச்சுவார்த்தைக்காகத் தமிழ்நாடு காங்கிரஸ் தலைவர் கே.எஸ். அழகிரி உள்பட காங்கிரஸ் நிர்வாகிகள் திமுக தலைமை அலுவலகத்திற்கு வருகைதந்துள்ளனர்.
15:36 March 10
புதுச்சேரி பாமக - உத்தேச வேட்பாளர்கள் பட்டியல் வெளியீடு!
புதுச்சேரி சட்டப்பேரவைத் தேர்தலில் போட்டியிட தங்களின் உத்தேச வேட்பாளர்கள் பட்டியலை பாமக கட்சி வெளியிட்டுள்ளது. அது வருமாறு:
| எண் | தொகுதிகள் | வேட்பாளர்களின் பெயர் |
| 01 | வில்லியனூர் | முகம்மது யூனுஸ்பாய் |
| 02 | முதலியார்பேட்டை | சி. ஜெயபாலன் |
| 03 | மங்கலம் | ஏ.ஜி. மதியழகன் |
| 04 | பாகூர் | ஆர். சத்தியநாராயண ரெட்டியார் |
| 05 | மணவெளி | கோ. கணபதி |
| 06 | அரியாங்குப்பம் | ஜே.பி. சிவராமன் (அ) எல்.ஜி. சேகர் |
| 07 | திருநள்ளார் | க. தேவமணி |
| 08 | ஊசுடு (தனி) | ஆர். சாண்டில்யான் |
| 09 | தட்டாஞ்சாவடி | க. துரை (எ) ஜெயக்குமார் |
| 10 | இந்திரா நகர் | இ. வடிவேல் |
| 11 | கதிர்காமம் | எஸ். இராதாகிருஷ்ணன் |
| 12 | மண்ணாடிப்பட்டு | வெங்கடேசன் (அ) கே. சிவக்குமார் |
| 13 | லாஸ்பேட்டை | எல். நரசிம்மன் |
| 14 | நெடுங்காடு (தனி) | பி. முனுசாமி |
| 15 | காரைக்கால் (மேற்கு) | மஸ்தான்பாய் |
ஆகிய உறுப்பினர்களைக் கொண்டு உத்தேச வேட்பாளர்கள் பட்டியல் தயார்செய்யப்பட்டுள்ளது.
15:12 March 10
'தேமுதிகவுக்கு முரசு சின்னம்'
தமிழ்நாடு, புதுச்சேரி சட்டப்பேரவைத் தேர்தலில் போட்டியிட விஜயகாந்தின் தேசிய முற்போக்கு திராவிட கழகத்திற்கு முரசு சின்னத்தினை இந்தியத் தேர்தல் ஆணையம் ஒதுக்கியுள்ளது.
15:01 March 10
அதிமுகவுடன் இனி எந்தக் காலத்திலும் கூட்டணி இல்லை - விஜய பிரபாகரன்
அதிமுக கூட்டணியிலிருந்து தேமுதிக விலகியது. இதனைத் தொடர்ந்து இன்று செய்தியாளர்களைச் சந்தித்த விஜயபிரபாகரன், “இனி எந்தக் காலத்திலும் அதிமுகவுடன் கூட்டணி இல்லை. 10 ஆண்டுகள் அதிமுகவை வாழ வைத்தோம், இனி நாங்கள் நன்றாக வாழ்வோம்” என்று கருத்து தெரிவித்திருக்கிறார்.
14:44 March 10
அதிமுக - பாஜக தொகுதிப்பங்கீடு: அதிமுகவினர் எதிர்ப்பு
கோயம்புத்தூர் தெற்கு தொகுதியை பாஜகவுக்கு விட்டுத் தர எதிர்ப்புத் தெரிவித்து அதிமுகவினர் போராட்டத்தில் ஈடுபட்டனர். அப்போது சிலர் சட்டைகளைக் கழற்றி எறிந்துவிட்டு தரையில் படுத்து புரண்டபடியே முழக்கங்களும் எழுப்பினர்.
14:27 March 10
பாஜக ஒரு தொகுதியில்கூட வெற்றிபெறாது - பாஜக எம்.பி. சுப்பிரமணியன் சுவாமி
அதிமுக கூட்டணியிலிருக்கும் பாஜக, அது போட்டியிடும் 2 அல்லது 3 தொகுதிகளில் வெற்றி பெறலாம் என்றும் இல்லாவிடில் ஒரு தொகுதியில்கூட வெற்றிபெறாமல் போகலாம் எனவும் கூறியிருக்கும் பாஜக எம்.பி. சுப்பிரமணியன் சுவாமி, வெற்றியோ தோல்விவியோ பாஜக தேசிய கட்சி என்பதை நினைவில் கொண்டு பிற கட்சிகளிடம் பிச்சை எடுக்காமல் தனித்து தேர்தலில் களம் கண்டிருக்க வேண்டும் என்று விமர்சித்திருந்தார்.
13:35 March 10
வீட்டில் ஒருவருக்கு வேலை உறுதி - டிடிவி
வீட்டில் ஒருவருக்கு வேலைவாய்ப்பை உருவாக்கும் திட்டத்தை நாங்கள் அறிவிப்போம் என அமமுக பொதுச் செயலாளர் டிடிவி. தினகரன் அறிவித்துள்ளார்.
13:20 March 10
புதுச்சேரியில் தொடரும் இழுபறி!
சட்டப்பேரவைத் தேர்தலில் தங்களுக்கு 15 தொகுதிகள் ஒதுக்கும்படி காங்கிரஸ் கட்சியிடம் திமுக கேட்டுகொண்டதாக தகவல் வெளியாகியுள்ளது. இச்சூழலில், புதுச்சேரி முன்னாள் முதலமைச்சர் நாராயணசாமி, திமுக தலைமைச் செயலகத்திற்கு இன்று மாலை வருகைத் தரவுள்ளார்.
13:01 March 10
உசிலம்பட்டியில் போட்டியிடும் அகில இந்திய பார்வர்ட் ப்ளாக்!
திமுக கூட்டணியில் ஒரு சட்டப்பேரவைத் தொகுதியைத் தக்கவைத்துக் கொண்ட அகில இந்திய பார்வர்ட் ப்ளாக் கட்சி, உசிலம்பட்டி தொகுதியில் போட்டியிடப்போவதாக அறிவித்துள்ளது. இந்த தொகுதியில் திமுகவின் உதயசூரியன் சின்னத்தில், அகில இந்திய பார்வர்ட் ப்ளாக் கட்சியில் மாநில செயலாளர் பி.வி. கதிரவன் போட்டியிடுகிறார்.
12:34 March 10
ஜி.கே. வாசனுக்கு 3 தொகுதி?
அதிமுக கூட்டணியில் இடம்பெற்றுள்ள தமிழ் மாநில காங்கிரஸ், வரும் சட்டப்பேரவைத் தேர்தலில் தங்களுக்கு 12 தொகுதிகளை ஒதுக்க கோரிக்கை வைத்துள்ளது. ஆனால், அதிமுக கூட்டணியில் தமாகா கட்சிக்கு 3 தொகுதிகள் மட்டுமே ஒதுக்க வாய்ப்புள்ளதாகத் தகவல் வெளியாகியுள்ளது.
12:27 March 10
திமுக - அகில இந்திய ஃபார்வர்ட் ப்ளாக் கூட்டணி
திமுகவுடன் கூட்டணி அமைக்க அகில இந்திய பார்வர்ட் ப்ளாக் கட்சிக்கு அழைப்பு விடுக்கப்பட்டிருந்தது. இந்தப் பேச்சுவார்த்தையில் ஃபார்வர்ட் ப்ளாக் கட்சிக்கு ஒரு தொகுதி ஒதுக்கப்பட்டு, ஒப்பந்தம் கையெழுத்தானது.
09:55 March 10
தேர்தல் 2021 முதன்மை செய்திகள்: அமமுக முதற்கட்ட வேட்பாளர் பட்டியல் வெளியீடு!
அமமுக வேட்பாளர் பட்டியல் இன்று (மார்ச்.10) வெளியானது. இது தொடர்பாக, அம்மா மக்கள் முன்னேற்ற கழக பொதுச்செயலாளர் டிடிவி தினகரன் அறிக்கை வெளியிட்டுள்ளார்.
