திருநெல்வேலி மாவட்டம் முன்னீர் பள்ளம் அடுத்த அடைமிதிப்பான் குளத்தில் வெங்கடேஸ்வரா என்ற தனியார் கல்குவாரியில் நேற்று முன்தினம் (மே14) நள்ளிரவு 11.30 மணியளவில் பாறைகள் சரிந்து விழுந்து ஏற்பட்ட விபத்தில் 6 தொழிலாளர்கள் சிக்கிக் கொண்டனர்.
இதில் முருகன், விஜய் மற்றும் செல்வம் ஆகிய மூன்று பேர் கடும் போராட்டத்திற்கு பிறகு உயிருடன் மீட்கப்பட்ட நிலையில் செல்வம் மட்டும் சிகிச்சை பலனளிக்காமல் பரிதாபமாக உயிரிழந்தார்.
வருவாய்த்துறை செயலாளர் மற்றும் கனிமவளத் துறை இயக்குனர் நேரில் ஆய்வு
தொடர்ந்து மீதமுள்ள ராஜேந்திரன் செல்வகுமார் மற்றொரு முருகன் ஆகிய 3 பேரின் கதி என்னவென்று தெரியாமல் உள்ளது. எனவே அவர்களை மீட்பதற்கு தேசிய பேரிடர் மீட்பு குழு நேற்றிரவு (மே 15) விரைந்தனர்.