ஈரோடு: கோபிசெட்டிபாளையம் அருகே உள்ள கடத்தூர் புதுக்கொத்துக்காட்டை சேர்ந்த 16 வயது சிறுமிக்கும் சத்தியமங்கலத்தை சேர்ந்த சுரேஷ்குமார் என்பவருக்கும் திருமணம் செய்ய சிறுமியின் பெற்றோர் முடிவு செய்துள்ளனர்.
இதுகுறித்து தகவல் அறிந்த சைல்டு லைன் ஆலோசகர் ஈரோட்டை சேர்ந்த தீபக்குமார் என்பவர், சிறுமியின் பெற்றோரிடம் குழந்தை திருமணம் செய்வது குற்றம் என கூறி திருமணம் நடத்தக்கூடாது என தெரிவித்துள்ளார். ஆனால், அதையும் மீறிய சிறுமியின் பெற்றோர் கடந்த 15 நாட்களுக்கு முன் சத்தியமங்கலம் அருகே ஒரு கோயிலில் சிறுமிக்கும், சுரேஷ்குமாருக்கும் திருமணம் செய்து வைத்தனர்.