சென்னை:திமுகவின் கட்சிப் பணிகளை விரைவுபடுத்துவதற்கும், நிர்வாக வசதிக்காகவும் கோயம்புத்தூர், திருப்பூர், தர்மபுரி, மதுரை மாவட்டங்கள் பிரிக்கப்பட்டு புதிய மாவட்டங்களை உருவாக்கி பொதுச்செயலாளர் துரைமுருகன் அறிவித்துள்ளார்.
கடந்த சட்டப்பேரவைத் தேர்தலில் திமுகவினர் அதிகளவில் வெற்றி பெறாத மாவட்டங்களில் கட்சியை வளர்க்க புதியதாக மாவட்டங்களைப் பிரித்து அறிவித்துள்ளனர். கோயம்புத்தூர், திருப்பூர், தர்மபுரி, மதுரை மாநகர் ஆகிய மாவட்டங்களில் சட்டப்பேரவை தொகுதி வாரியாக கட்சி நிர்வாகம் பிரிக்கப்பட்டுள்ளது.
இது குறித்து திமுக பொதுச்செயலாளர் துரைமுருகன் இன்று (செப்.18) வெளியிட்டுள்ள அறிவிப்பில், 'கட்சியின் நிர்வாக வசதிக்காகவும், பணிகள் செம்மையுற நடைபெற்றிடவும் கோயம்புத்தூர், திருப்பூர், தர்மபுரி, மதுரை மாநகர் ஆகிய மாவட்டங்களில் சட்டப்பேரவைத்தொகுதிகள் அடங்கியதாக அமைக்கப்பட்டுள்ளது.
கோவை மாநகர் மாவட்டம்
* சிங்காநல்லூர்
* கோவை தெற்கு
* கோவை வடக்கு
கோவை வடக்கு மாவட்டம்
* மேட்டுப்பாளையம்
* தொண்டாமுத்தூர்
* கவுண்டம்பாளையம்
* அவினாசி
கோவை தெற்கு மாவட்டம்
* சூலூர்
* கிணத்துகடவு
* வால்பாறை (தனி)
* பொள்ளாச்சி