ராமநாதபுரம் மாவட்டம், மாவட்ட மத்தியக் கூட்டுறவு வங்கி தலைமை அலுவலகம் முன்பு மாவட்டப் பொதுச் செயலாளர் சுப்பிரமணியன் தலைமையில் ஏராளமான வங்கி ஊழியர்கள் ஆர்ப்பாட்டத்தில் ஈடுபட்டனர்.
அப்போது அவர்கள் கூறுகையில், "கூட்டுறவு வங்கிகளைத் தனியார்மயப்படுத்த ஆரம்பக்கட்டப் பணிகளை மத்திய அரசு தொடங்கியுள்ளது. இதற்கு மாநில அரசு கடும் கண்டனத்தைத் தெரிவிக்க வேண்டும்.
மாநில அரசின் உரிமைகளைப் பறிக்க முடிவெடுக்கும் மத்திய அரசின் இந்த நடவடிக்கைகளை மாநில அரசு எதிர்த்திட வேண்டும். தமிழ்நாடு மாநில தலைமை கூட்டுறவு வங்கியோடு 23 மாவட்ட மத்தியக் கூட்டுறவு வங்கிகளை இணைத்து ஒரே வங்கியாக தமிழ்நாடு வங்கி என்று உருவாக்க வேண்டும்.