பாப்புலர் பிரண்ட் ஆப் இந்தியா மற்றும் எஸ்டிபிஐ கட்சிக்கு தொடர்புடைய 60 இடங்களில் என்ஐஏ அலுவலர்கள் நள்ளிரவு முதல் சோதனை செய்து வருகின்றனர். பயங்கரவாத அமைப்புகளுக்கு ஆதரவாக செயல்பட்டு நிதி திரட்டி வருவதாகவும், பயிற்சி முகாம் நடத்தி மூளைச்சலவை செய்து பயங்கரவாத செயலுக்கு உட்படுத்துவதாக எழுந்த குற்றச்சாட்டின் அடிப்படையில் என்ஐஏ அலுவலர்கள் சோதனை மேற்கொண்டு வருவதாக தகவல் வெளியாகி உள்ளது.
சமீபத்தில் ஆந்திரா மற்றும் தெலங்கானாவில் பாப்புலர் பிரண்ட் ஆப் இந்தியா அமைப்பு அலுவலகங்களில் சோதனை நடத்தி பல்வேறு முக்கிய ஆவணங்களை பறிமுதல் செய்து, அதில் தொடர்புடைய நான்கு பேரை என்ஐஏ அலுவலர்கள் கைது செய்தனர்.
இதன் தொடர்ச்சியாக கேரளா மற்றும் தமிழ்நாட்டில் சோதனை நடத்துவதாக தெரிவிக்கப்பட்டுள்ளது.முக்கியமாக தமிழ்நாடு, கேரளா, ஆந்திரபிரதேசம், கர்நாடகா உள்ளிட்ட 13 மாநிலங்களில் என்ஐஏ அலுவலர்கள் சோதனை மேற்கொண்டு வருகின்றனர்.