காவிரி நீர் பங்கீடு வழக்கை விசாரித்த உச்ச நீதிமன்றம், அதற்காக காவிரி மேலாண்மை வாரியம், காவிரி ஒழுங்காற்றுக்குழுக் கூட்டம் அமைக்க மத்திய அரசுக்கு உத்தரவிட்டது. இதையடுத்து மத்திய நீர் மேலாண்மை வாரியம் இவ்விரு அமைப்புகளையும் அமைத்தது.
இதனைத்தொடர்ந்து, இவ்விரு அமைப்புகளுக்கான ஆலோசனை கூட்டங்கள் இதுவரை டெல்லி, பெங்களூரில் நடந்துவந்தது. இதில் கர்நாடகா, தமிழ்நாடு மாநில நீர் மேலாண்மை அலுவலர்கள் பங்கேற்று வந்தனர். கடைசியாக டெல்லியில் நடைபெற்ற காவிரி ஒழுங்காற்றுக்குழுக் கூட்டத்தில் தமிழ்நாடு அரசானது அடுத்த காவிரி ஒழுங்காற்றுக்குழுக் கூட்டம் தமிழ்நாட்டில் நடத்தவேண்டுமென கோரிக்கை வைத்தது.