Aloe Vera Gel: ਵਾਲਾਂ ਦੀ ਸਮੱਸਿਆ ਤੋਂ ਪਾਉਣਾ ਹੈ ਛੁਟਕਾਰਾ ਤਾਂ ਲਗਾਓ ਐਲੋਵੇਰਾ ਜੈੱਲ, ਸਿਖੋ ਇਸ ਨੂੰ ਘਰ 'ਚ ਬਣਾਉਣ ਦਾ ਤਰੀਕਾ

ਅੱਜਕਲ ਲੋਕ ਚਮੜੀ ਅਤੇ ਵਾਲਾਂ ਨਾਲ ਜੁੜੀਆਂ ਸਮੱਸਿਆਵਾਂ ਤੋਂ ਪਰੇਸ਼ਾਨ ਹਨ। ਇਨ੍ਹਾਂ ਸਮੱਸਿਆਵਾਂ ਤੋਂ ਛੁਟਕਾਰਾ ਪਾਉਣ ਲਈ ਐਲੋਵੇਰਾ ਜੈੱਲ ਇਕ ਵਧੀਆ ਵਿਕਲਪ ਹੈ। ਪਰ ਬਾਜ਼ਾਰ ਵਿੱਚ ਉਪਲਬਧ ਐਲੋਵੇਰਾ ਜੈੱਲ ਵਿੱਚ ਕਈ ਰਸਾਇਣਾਂ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਇਸ ਲਈ ਤੁਸੀਂ ਐਲੋਵੇਰਾ ਜੈੱਲ ਨੂੰ ਘਰ ਵਿੱਚ ਵੀ ਤਿਆਰ ਕਰ ਸਕਦੇ ਹੋ।

ਬਹੁਤ ਸਾਰੇ ਪੌਸ਼ਟਿਕ ਤੱਤਾਂ ਨਾਲ ਭਰਪੂਰ ਐਲੋਵੇਰਾ ਜੈੱਲ ਸਾਡੀ ਚਮੜੀ ਅਤੇ ਵਾਲਾਂ ਲਈ ਬੇਹੱਦ ਫਾਇਦੇਮੰਦ ਹੈ। ਇਨ੍ਹੀਂ ਦਿਨੀਂ ਵੱਧਦੇ ਪ੍ਰਦੂਸ਼ਣ ਅਤੇ ਬਦਲਦੀ ਜੀਵਨ ਸ਼ੈਲੀ ਕਾਰਨ ਲੋਕ ਚਮੜੀ ਅਤੇ ਵਾਲਾਂ ਨਾਲ ਜੁੜੀਆਂ ਕਈ ਸਮੱਸਿਆਵਾਂ ਦਾ ਸ਼ਿਕਾਰ ਹੋ ਰਹੇ ਹਨ। ਅਜਿਹੇ 'ਚ ਇਨ੍ਹਾਂ ਸਮੱਸਿਆਵਾਂ ਤੋਂ ਛੁਟਕਾਰਾ ਪਾਉਣ ਲਈ ਐਲੋਵੇਰਾ ਜੈੱਲ ਸਭ ਤੋਂ ਬਿਹਤਰ ਮੰਨੀ ਜਾਂਦੀ ਹੈ। ਐਂਟੀਆਕਸੀਡੈਂਟ ਅਤੇ ਐਂਟੀਬੈਕਟੀਰੀਅਲ ਗੁਣਾਂ ਨਾਲ ਭਰਪੂਰ ਐਲੋਵੇਰਾ ਜੈੱਲ ਮੁਹਾਸੇ ਦੀ ਸਮੱਸਿਆ ਤੋਂ ਰਾਹਤ ਦਿਵਾਉਂਦੀ ਹੈ ਅਤੇ ਡੈਂਡਰਫ ਦੀ ਸਮੱਸਿਆ ਤੋਂ ਵੀ ਰਾਹਤ ਦਿਵਾਉਂਦੀ ਹੈ।

ਬਾਜ਼ਾਰ ਵਿੱਚ ਉਪਲਬਧ ਐਲੋਵੇਰਾ ਜੈੱਲ ਦੀ ਵਰਤੋਂ ਕਰਨ ਨਾਲ ਹੋ ਸਕਦਾ ਨੁਕਸਾਨ:ਆਮ ਤੌਰ 'ਤੇ ਲੋਕ ਬਜ਼ਾਰ ਤੋਂ ਐਲੋਵੇਰਾ ਜੈੱਲ ਖਰੀਦ ਕੇ ਵਰਤਦੇ ਹਨ। ਪਰ ਬਾਜ਼ਾਰ ਵਿੱਚ ਉਪਲਬਧ ਐਲੋਵੇਰਾ ਜੈੱਲ ਵਿੱਚ ਕਈ ਤਰ੍ਹਾਂ ਦੇ ਰਸਾਇਣ ਮਿਲਾਏ ਹੁੰਦੇ ਹਨ, ਜਿਸ ਕਾਰਨ ਬਹੁਤ ਸਾਰੇ ਲੋਕਾਂ ਨੂੰ ਇਸਦੇ ਮਾੜੇ ਪ੍ਰਭਾਵਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਅਜਿਹੀ ਸਥਿਤੀ 'ਚ ਬਿਹਤਰ ਹੈ ਕਿ ਤੁਸੀਂ ਘਰ 'ਚ ਹੀ ਤਾਜ਼ਾ ਅਤੇ ਕੈਮੀਕਲ ਮੁਕਤ ਐਲੋਵੇਰਾ ਜੈੱਲ ਤਿਆਰ ਕਰੋ। ਇਸ ਨੂੰ ਘਰ 'ਚ ਬਣਾਉਣਾ ਬਹੁਤ ਆਸਾਨ ਹੈ। ਤਾਂ ਆਓ ਜਾਣਦੇ ਹਾਂ ਘਰ 'ਚ ਐਲੋਵੇਰਾ ਜੈੱਲ ਬਣਾਉਣ ਦਾ ਤਰੀਕਾ:-

ਘਰ ਵਿੱਚ ਐਲੋਵੇਰਾ ਜੈੱਲ ਬਣਾਉਣ ਲਈ ਇਨ੍ਹਾਂ ਚੀਜ਼ਾਂ ਦੀ ਲੋੜ:

ਸਮੱਗਰੀ:

• ਐਲੋਵੇਰਾ ਦੇ ਕੁਝ ਪੱਤੇ
• ਵਿਟਾਮਿਨ ਸੀ ਅਤੇ ਵਿਟਾਮਿਨ ਈ ਕੈਪਸੂਲ
• ਸ਼ਹਿਦ ਦੇ ਕੁਝ ਚੱਮਚ

ਇਸ ਤਰ੍ਹਾਂ ਘਰ ਵਿੱਚ ਬਣਾਓ ਐਲੋਵੇਰਾ ਜੈੱਲ:

1. ਐਲੋਵੇਰਾ ਜੈੱਲ ਬਣਾਉਣ ਲਈ ਸਭ ਤੋਂ ਪਹਿਲਾਂ ਐਲੋਵੇਰਾ ਦੀਆਂ ਕੁਝ ਤਾਜ਼ੀ ਪੱਤੀਆਂ ਨੂੰ ਕੱਟ ਕੇ ਠੰਡੇ ਪਾਣੀ 'ਚ ਪਾ ਕੇ 10 ਤੋਂ 15 ਮਿੰਟ ਲਈ ਭਿਓ ਦਿਓ।
2. ਪੱਤਿਆਂ ਨੂੰ ਠੰਡੇ ਜਾਂ ਬਰਫ਼ ਦੇ ਪਾਣੀ ਵਿੱਚ ਰੱਖਣ ਨਾਲ ਬਾਹਰ ਨਿਕਲਣ ਵਾਲਾ ਪੀਲਾ ਤਰਲ ਸਾਫ਼ ਹੋ ਜਾਵੇਗਾ, ਜੋ ਐਲਰਜੀ ਦਾ ਕਾਰਨ ਬਣਦਾ ਹੈ।
3. ਕੁਝ ਸਮੇਂ ਬਾਅਦ ਇਨ੍ਹਾਂ ਪੱਤਿਆਂ ਨੂੰ ਚਾਕੂ ਦੀ ਮਦਦ ਨਾਲ ਕੱਟ ਲਓ।
4. ਇਸ ਤੋਂ ਬਾਅਦ ਐਲੋਵੇਰਾ ਨੂੰ ਬਲੈਂਡਰ 'ਚ ਪਾ ਕੇ ਬਲੈਂਡ ਕਰੋ।
5. ਹੁਣ ਇਸ ਤਿਆਰ ਮਿਸ਼ਰਣ ਨੂੰ ਇਕ ਬਰਤਨ 'ਚ ਕੱਢ ਲਓ ਅਤੇ ਫਿਰ ਇਸ 'ਚ ਵਿਟਾਮਿਨ ਸੀ, ਈ ਕੈਪਸੂਲ ਅਤੇ ਸ਼ਹਿਦ ਮਿਲਾ ਲਓ।
6. ਹੁਣ ਇਨ੍ਹਾਂ ਸਾਰੀਆਂ ਚੀਜ਼ਾਂ ਨੂੰ ਚੰਗੀ ਤਰ੍ਹਾਂ ਮਿਲਾਓ ਅਤੇ ਜਦੋਂ ਇਹ ਮੁਲਾਇਮ ਹੋ ਜਾਵੇ ਤਾਂ ਤੁਹਾਡਾ ਐਲੋਵੇਰਾ ਜੈੱਲ ਤਿਆਰ ਹੈ।

ਐਲੋਵੇਰਾ ਜੈੱਲ ਨੂੰ ਸੰਭਾਲ ਕੇ ਰੱਖਣ ਦਾ ਤਰੀਕਾ:

1. ਘਰ ਵਿੱਚ ਤਿਆਰ ਕੀਤੀ ਗਈ ਇਹ ਤਾਜ਼ੀ ਅਤੇ ਰਸਾਇਣ ਰਹਿਤ ਐਲੋਵੇਰਾ ਜੈੱਲ ਨੂੰ ਏਅਰਟਾਈਟ ਕੰਟੇਨਰ ਵਿੱਚ ਸਟੋਰ ਕਰਕੇ ਫਰਿੱਜ ਵਿੱਚ ਰੱਖਿਆ ਜਾ ਸਕਦਾ ਹੈ।
2. ਤੁਸੀਂ ਇਸ ਘਰੇਲੂ ਜੈੱਲ ਨੂੰ 3 ਤੋਂ 4 ਦਿਨਾਂ ਤੱਕ ਵਰਤ ਸਕਦੇ ਹੋ।
3. ਜੇਕਰ ਤੁਸੀਂ ਐਲੋਵੇਰਾ ਜੈੱਲਨੂੰ ਮਹੀਨਿਆਂ ਤੱਕ ਸਟੋਰ ਕਰਨਾ ਚਾਹੁੰਦੇ ਹੋ ਤਾਂ ਇਸ ਨੂੰ ਫਰਿੱਜ 'ਚ ਰੱਖ ਦਿਓ। ਇਸ ਨਾਲ ਐਲੋਵੇਰਾ ਜੈੱਲ 6 ਮਹੀਨੇ ਤੱਕ ਖਰਾਬ ਨਹੀਂ ਹੋਵੇਗੀ।